Экспарт турыстычных паслугаў па Гарадоцкаму раёну за 2019 год вырас больш чым у паўтара разы

Па інфармацыі аб’ектаў турыстычнай індустрыі Гарадоцкага раёну за  2019 год экспарт турыстычных паслугаў павялічыўся на 54,03% ў параўнанні з 2018 годам. Найбольшы рост далў гатэль “Спартыўны гарадок”, які павялічыў мінулагодні паказчык больш чым у два разы. Дарэчы робіць гэта ўжо другі год запар.

За  2019 год найбольшы экспарт турыстычных паслугаў зноў атрымаў гатэль “Спартыўны гарадок” 95,03 тысяч даляраў або  ў 2,1 разы больш, чым за мінулы год. Тады было аказана паслуг у 45,31 тыс. долараў. Гэта атрымалася дзякуючы мэтанакіраванай працы па правядзенню збораў і спаборніцтваў на спартыўных аб’ектах ВАЦАР і ўжо пэўнаму аўтарытэту базы ВАЦАР у Расіі. Так за гэты год тут пабывала 21 каманда па лыжах, біятлону, плаванню, воднаму полу з Расіі, Украіны і Польшчы, як агульнай колькасцю 529 чалавек. Усяго ж у гатэлі было прынята 1759 чалавек.

На другім месцы па экспарту турпаслугаў ТАК “Лосвіда”, дзе іх было аказана на 32,8 тыс. даляраў – прырост 35,7%. Тут ўсяго з пачатку года  адпачыла 1767 чалавек і амаль чвэрць – 458 – замежнікі.

На трэццім месцы па экспарту паслугаў паводле сваёй інфармацыі ЗАТ “Асотна”,  дзе за мінулы год пабывала  24 замежніка з 39 гасцей, а паслуг аказана на 32,1 тыс. дал. – рост у 13% да мінулага году.

Вышэй за  мінулагодні ўзровень экспартных паслугаў выйшла Гарадоцкая “БАПР” – 31,2 тыс. дал. – 132,8%.  Пры гэтым Гарадоцкая “БАПР” прыняла 36 турыстаў з краін далёкага замежжа – Польшчы – 14, Чэхіі –3, Італіі, Бельгіі, Іспаніі – па два турыста, Славеніі – адзін у межах бязвізавага наведвання Беларусі і 8 з Расіі.

Усяго экспарт турспаслугаў за 2019 год склаў па Гарадоцкаму раёну 224,79 тыс. даляраў, што  больш мінулагодняга паказчыка на 54,03%. Пры гэтым  на нашых турыстычных аб’ектах адпачыла 4860 гасцей, з якіх 1397 прыехала з-за межаў Беларусі.

Леанід Гаравы

У рэзідэнцыі Снягуркі на бас-востраве ў Гарадку працягваюцца дзіцячыя інтэрактыўныя прадстаўленні “Падарожжа ў казку”

З 21 снежня ў рэзідэнцыі Снягуркі адбыліся  першыя прадстаўленні для дзяцей у выкананні каззачных герояў гэтай рэзідэнцыі. Першай групай якая наведвала рэзідэнцыю была група вучняў з 3-4 класаў СШ №2 г. Верхнедзвінска. І да новага Новага года на прадстаўленні пабывалі групы з Віцебска ад турфірмы “Лучоса”, з СШ №1 г. Чашнік, а таксама СШ №1 г. Гарадка ( 5 кл. ).

Пасля Новага года рэзідэнцыя Снягурачкі працягвае сваю працу. І на ёй пабывалі дзеці з Гарадоцкага сацыяльна-педагагічнага цэнтра на дабрачыннай аснове, а таксама дзеці з СШ№1, дзіцячага сада №2 і №1 г. Гарадка.

Усяго за гэты час у рэзідэнцыі пабывала 254 наведвальніка з 11 груп, для якіх было арганінізавана “Падарожжа ў казку”. Пры гэтым  толькі з Новага года прырода нарэшце адарыла снегам рэзідэнцыю Снягуркі . І ў ёй стала па зімоваму святочна.

Нагадаем, што дзетак па рэзідэнцыі Снягуркі ў казачным лесе суправаджаюць Снягуля і Снегашуля. Першым прыпынкам з’яўляецца «Школа навагодніх прамудрасцяў”. Потым сустракаецца «Млын шчасця» і «Калодзеж прадказанняў», а з рэзідэнцыі Снягуркі выходзілі казачныя героі: ад вясёлай Бабы Яго да ката Катафеячы.

Нарэшце у самой рэзідэнцыі з’яўляецца Снягурка з якой дзеці з лесу  клічуць Дзеда Мароза і пачынаюць вадзіць карагоды вакол святочнай ялінкі.

Праз усё падарожжа па Снягуркавай рэзідэнцыі дзеці гуляюць у розныя эстафеты, разгадваюць загадкі, праяўляюць кемлівасць.

Напрыканцы прадстаўлення ў цераме разам са Снягуркай і Дзедам Марозам дзеці пьюць чай і частуюцца прысмакамі. Таксама на працягу падарожжа дзеці атрымліваюць розныя прызы і шмат цукерак.

Вы зможаце падарыць свайму дзіцяці сапраўдную радасць і навагодні цуд. Бо ўражанні ад прадстаўлення назаўсёды застануцца ў памяці дзяцей, змогуць стаць прычынай добрага настрою не толькі ў свята, але і пасля яго завяршэння.

Ўсе прадстаўленні праводзяцца толькі па папярэднім запісе для груп ад 15 чалавек.  Індывідуальныя наведнікі могуць далучыцца да  пэўных груп па ўзгадненню з арганізатарамі  “Падарожжа ў казку”. Заяўку можна пакінуць па тэл .: 5-22-50, +37529 7136717, +37529 2973608.

Сама “Рэзідэнцыя Снягуркі” знаходзіцца тут:

Дарэчы, у сацыяльнай сетцы УКантакце створана група: РЕЗИДЕНЦИЯ СНЕГУРОЧКИ : https://vk.com/public190537951 , дзе маецца шмат відэа і фота пастоў.

Л. Антонаў

У СШ № 2 г. Гарадка ўпершыню прайшоў раённы краязнаўчы форум, прысвечаны Году малой радзімы.

Мерапрыемства, арганізатарам якога выступілі вучэбна-метадычны кабінет аддзела па адукацыі Гарадоцкага райвыканкама і раённы цэнтр дзяцей і моладзі, стала своеасаблівым падвядзеннем вынікаў работы юных краязнаўцаў ў Год малой радзімы. Праграма форуму дазволіла навучэнцам праявіць свае таленты ў розных напрамках.


Хлопцы прэзентавалі міні-кнігі пра родны край, відэаролікі. Прыгажосць родных мясцін прадэманстравалі ў сваіх працах юныя фатографы і мастакі. Удзельнікі літаратурнай гасцёўні «Прысвячэнне малой радзіме» спаборнічалі ў майстэрстве і мастацкім чытанні твораў ўласнага сачынення пра любімыя і самыя дарагія куткі малой радзімы, яе славутасці і пра людзей, якія жывуць побач. На інтэлектуальных гульнях “Што? Дзе? Калі? » і « Я ведаю » школьнікі прайшлі выпрабаванні на веданне гісторыі, культуры і традыцый Гарадоччыны.

Па выніках форуму ў конкурсе юных рэдактараў 1-е месца заняла Міхайлава Е. з Вышацкага д / с-СШ; 2-е месца падзялілі паміж сабой Філатава В. з Межанскака д / с-СШ і Дарадзейка Е. з Пальмінскай СШ; на 3-м месцы – Фафанаў С. (СШ № 2 г. Гарадка). У конкурсе юных кінематаграфістаў лепшымі сталі прадстаўнікі СШ № 2 г. Гарадка, 2-е месца занялі хлопцы з Бычыхінскай СШ, а на 3-ю прыступку пераможнага п’едэстала падняліся сёстры Ганчарова М. і Ганчарова А., якія прадстаўлялі Езярышчанскую СШ.

Адразу тры першыя месцы занялі юныя фатографы: Стракатов П., Міралюбава М., Сувораў Д. і Мацвіенка Д .; 2-е месца ў Паднябесавай Д. і Паўлавай Д., а 3-е – у Памырляну Д., Бендзікавай К. і Ляшкевіч Д. Дзевяць пераможцаў вызначала журы ў намінацыі «Юныя мастакі»: Пушкова К. і Гарэлікава У. – 1 -е месца; Сарачынскі У. і Сініцына А. – 2-е; Валевіч Е., Рыбікава У., Барсукова А., Старавойтава В., Ціханавіч Т. занялі 3-е месца. Такая ж колькасць пераможцаў і ў конкурсе літаратараў. Тут 1-е месца занялі: Грышкевіч В., Сухарукава А., Даў’ялава А., Смалякова В., Анціпенка Н., Башкіраў А. На 2-м месцы – Мяжуева Д. і Філіпскі М., а на 3-м – Трутнёў М.

Каманда «ПрабачЦЕ» СШ № 2 г. Гарадка заняла 1-е месца ў гульні «Што? Дзе? Калі? », на 2-м месцы ў гэтай гульні каманда« Крабікі »СШ № 1 г. Гарадка, а на 3-м – каманда« Аладкі »СШ № 2 г. Гарадка. У інтэлектуальнай гульні «Я ведаю» пераможцамі сталі Саўчанка Д., Грышкевіч В., а таксама Мельнікаў О. і Жаркоў М.

Віншуем пераможцаў! Спадзяемся, што краязнаўчы форум набудзе шырокі размах і стане ў нашым раёне традыцыйным.

Паводле: http://gorodok.edu.by

Пераклад на родную мову зроблены рэдакцыяй сайта: http://haradoktour.by