Свята, прысвечанае Году малой радзімы, прайшло 3 кастрычніка ў Відзах.
Відзы здаўна былі славутыя сваім кірмашом. І сёлета традыцыі працягваюцца: тут можна было набыць рыбу, гародніну, сала, журавіны, сочыва і нават драўляныя скрыні для захоўвання ўраджаю. Іх выраб наладзіў Відзаўскі дзяржаўны прафесійна-тэхнічны каледж.
Раённыя святочныя мерапрыемствы “Мой родны край – часцінка вялікай Радзімы” пачаліся з прывітання-прэзентацыі “Невычарпальныя крыніцы Браслаўскай зямлі” падворкаў мясцовых сельсаветаў: Ахрэмаўцаў, Плюсаў, Далекіх, Опсы, Слабодкі, Друі і іншых.
Прадстаўнікі розных браслаўскіх вёсачак дэманстравалі свае здольнасці пець, спяваць, маляваць карціны, вышываць і гатаваць смачныя стравы.
Так, якое свята без спеваў ды танцаў?! Творчыя каллектывы Браслаўскага раёна выступілі са святочным канцэртам.
Трэба адзначыць, што маленькім наведвальнікам свята асабліва запомніліся вясёлыя інтэрмедыі госця падзеі – Народнага тэатра лялек Цэнтра культуры Наваполацка “Капялюш”.
А ў горпасялковым Доме культуры падвялі вынікі штогадовага агляду-конкурсу па добраўпарадкаванні.
Узнагародамі адзначылі лепшых.