Category Archives: Без рубрики

Пётр Падгурскі: Не пакінем таго, чаму навучыліся за гэты час. Куды варта завітаць тым, хто жадае даведацца як мага больш пра Віцебшчыну?

Як захоўваюць гісторыка-культурную спадчыну ў Віцебскай вобласці? Як адзначаюць Год гістарычнай памяці ў рэгіёне? Што назіраецца апошнім часам у бібліятэчнай сферы? І куды варта завітаць тым, хто жадае даведацца як мага больш пра Віцебшчыну? Пра гэта расказвае начальнік упраўлення культуры Віцебскага абласнога выканаўчага камітэта Пётр Падгурскі.

— У спіс гісторыка-культурных каштоўнасцей уваходзіць шмат аб’ектаў Віцебскай вобласці. Якія з іх у гэтым пераліку значацца нядаўна? Магчыма, штосьці плануюць уключыць у бліжэйшы час?

— У 2021 годзе ў Дзяржаўны спіс уключаны дзве нематэрыяльныя гісторыка-культурныя каштоўнасці — «Беларускае мастацтва выцінанкі» (у цэлым па краіне) і «Ткацтва посцілак у тэхніцы аднабаковага перабору» ў Лепельскім раёне, а таксама два матэрыяльныя аб’екты. Гэта комплекс былой сядзібы Цюндзявіцкіх у Галошаве Талачынскага раёна і помнік на месцы гібелі генерала Якава Кульнёва ў Полацкім раёне. Сёлета ўжо надалі статус нематэрыяльных каштоўнасцей стравам з бульбы Віцебскай вобласці. Плануецца дадаць туды і традыцыйнае інструментальнае выкананне на дыятанічных цымбалах (гэта Пастаўскі раён) і традыцыйны народны лялечны тэатр «Віцебскі жлоб».

— Раскажыце, калі ласка, пра планы па захаванні гісторыка-культурнай спадчыны на 2022 год.

— Знакавы аб’ект у гэтым плане — Спаса-Праабражэнская царква ў Полацку, дзе працягваюцца маштабныя работы па аднаўленні фрэсак ХІІ стагоддзя і рэканструкцыі самога храма. Акрамя гэтага, вядуцца работы на тэрыторыі Верхняга замка ў Полацку, уключаючы маштабныя археалагічныя даследаванні, якія не маюць аналагаў у краіне ў апошнія гады. Арганізавана праца і на будынку былога вінаачышчальнага склада ў Лепелі, які будзе прыстасаваны пад музей. Дарэчы, маюцца прыклады актывізацыі дзейнасці па рэстаўрацыі з боку прыватнага бізнесу. У першую чаргу гэта тычыцца будынкаў у буйных гарадах, хаця ёсць цікавасць і да былых сядзіб. Апошняй катэгорыі, у першую чаргу тым аб’ектам, якія на дадзены момант не выкарыстоўваюцца, надаецца асаблівая ўвага з боку урада, Міністэрства культуры і мясцовых улад. У прыватнасці, усе яны могуць быць рэалізаваны на льготных умовах ці выкарыстаны для рэалізацыі інвестыцыйных праектаў. Спіс падобных месцаў і невялікі відэаролік пра іх можна паглядзець на сайце Віцебскага аблвыканкама.

— Пералічыце асноўныя конкурсы, акрамя, зразумела, тых, што адбываюцца ў рамках Славянскага базару, якія праходзяць у рэгіёне. Якія з іх, на вашу думку, заслугоўваюць асаблівай увагі?

— Віцебшчына, сапраўды, — не толькі Міжнародны фестываль мастацтваў «Славянскі базар». У нас маецца 12 міжнародных і 4 рэспубліканскія фестывалі і святы, якія фінансуюцца з удзелам рэспубліканскіх і абласных сродкаў. А яшчэ шмат разнастайных рэгіянальных мерапрыемстваў. Напрыклад, у Сафійскім саборы ў Полацку штогод праходзяць Міжнародны фестываль старажытнай і сучаснай камернай музыкі і Міжнародны фестываль арганнай музыкі «Званы Сафіі». У тым жа Полацку вялікі поспех сярод блогераў і аматараў кіно мае рэспубліканскі адкрыты конкурс аматарскіх фільмаў імя Юрыя Тарыча «Я здымаю кіно».

Фота БелТА

Заўседы з размахам праходзяць Міжнароднае свята традыцыйнай культуры «Браслаўскія зарніцы», Міжнародны фестываль песні і музыкі «Дняпроўскія галасы ў Дуброўне», Міжнародны фестываль народнай музыкі «Звіняць цымбалы і гармонік», Міжнароднае свята «Вішнёвы фестываль», Міжнародны конкурс юных выканаўцаў эстраднай песні «Халі-Хало» і іншыя знакавыя культурныя падзеі. Па сутнасці, кожны раён і горад вобласці мае што паказаць і куды запрасіць гасцей і ўдзельнікаў.

— А куды будуць запрашаць падчас правядзення мерапрыемстваў Года гістарычнай памяці?

— Гэтая тэма будзе ісці своеасаблівым рэфрэнам ва ўсіх установах культуры. Але ёсць асобныя мерапрыемствы, на якія трэба звярнуць увагу. Напрыклад, круглы стол «Праблемы вывучэння гісторыі партызанскага руху ў гады Вялікай Айчыннай вайны на сучасным этапе», віртуальны праект «Кніга „Памяць“. Віцебская вобласць». Гаворка вядзецца пра прэзентацыю віртуальнай базы даных загінуўшых ураджэнцаў рэспублік СССР на тэрыторыі Віцебскай вобласці ў гады Вялікай Айчыннай вайны, распрацаванай Віцебскім абласным музеем імя Героя Савецкага Саюза М. П. Шмырова. Запланаваны імпрэзы, прысвечаныя больш далёкім стагоддзям. Напрыклад, выстаўка «Полацк Ганзейскі», дзе будуць прадстаўлены свінцовыя пломбы і пячаткі з калекцыі археалогіі музейнага збору Нацыянальнага Полацкага гісторыка-культурнага музея-запаведніка.

— Што апошнім часам адбываецца ў бібліятэчнай сферы? Чым спрабуюць зацікавіць сталых і юных чытачоў?

— Тут назіраюцца лагічныя вынікі інфарматызацыі. Новыя ўмовы, распаўсюджанне гаджэтаў і дамінаванне інтэрнэту прыводзіць да скарачэння колькасці чытачоў. Пры гэтым бібліятэчныя супрацоўнікі не сядзяць на месцы, а ідуць у нагу з часам. Яскравы прыклад — Віцебская абласная бібліятэка імя Леніна, якая здолела заняць сваю нішу ў інтэрнэт-прасторы за кошт размяшчэння электроннага каталога, алічбаваных дакументаў, сур’ёзных тэматычных баз даных і іншага цікавага і запатрабаванага кантэнту. У выніку толькі за 2021 год сайт бібліятэкі наведала звыш 1,8 мільёна чалавек. Гэта велізарныя лічбы для ўстаноў культуры. Але ж і саму абласную бібліятэку прыемна наведваць. Пры магчымасці рэкамендуем усім гэта зрабіць. Таму што цяпер там не проста чытальныя залы, але і ўтульны і крэатыўны інтэр’ер, які стварае сапраўдную творчую атмасферу і дае магчымасць атрымаць асалоду ад чытання. Тое ж самае можна сказаць пра дзіцячы аддзел, які больш нагадвае яркую гульнявую пляцоўку, ад якой дзяцей не адцягнуць. Яны самі могуць хадзіць сярод паліц і выбіраць цікавыя кніжкі. Усё гэта рэальна працуе.

— Як справы ў іншых кніжніцах?

— Зразумела, што звычайныя, тым больш рэгіянальныя бібліятэкі не могуць па гэтых паказчыках дасягнуць узроўню абласной, але і там ёсць чым ганарыцца. У паўночным рэгіёне Беларусі інфармацыйнае абслугованне ў сельскай мясцовасці ажыццяўляюць 318 бібліятэк. Для жыхароў населеных пунктаў, дзе адсутнічаюць стацыянарныя ўстановы культуры, даступнасць паслуг забяспечваецца мабільнымі бібліятэкамі, якія выязджаюць па графіках зацверджаных маршрутаў і наведваюць карыстальнікаў з 690 аддаленых і маланаселеных вёсак. На выклікі часу бібліятэкі адказваюць усё часцей праектнай дзейнасцю. Паспяхова рэалізоўваюцца праекты, скіраваныя на сацыяльную адаптацыю пажылых людзей, людзей з абмежаванымі магчымасцямі і выхаванцаў дзіцячых дамоў сямейнага тыпу: «Мы — разам» Вусценскай сельскай бібліятэкі (Аршанскі раён), «Шлях да кнігі» Відзаўскай гарпасялковай бібліятэкі (Браслаўскі раён). Этнаграфічны праект Руднянскай бібліятэкі-філіяла № 43 па стварэнні пакоя-музея «Вачыма продкаў» з прадметамі побыту канца XIX — пачатку XX стагоддзяў стаў настолькі папулярным сярод жыхароў вёскі, што пераўтварыўся ў мабільны і экспанаваўся ў 6 філіялах Полацкай бібліятэчнай сістэмы. Жыхары горада не толькі ацанілі цікавую экскурсійную праграму, але і прымалі актыўны ўдзел у арганізаваных фальклорных святах. Плённа працуюць бібліятэкі Лёзненскага раёна. Так, Кавалёўская сельская бібліятэка ажыццяўляе пошукавую работу па гісторыі народных гульняў, звычаяў, традыцый і самабытнай культуры. Запісаны і абагулены матэрыялы носьбітаў вуснай народнай творчасці, бытавых танцаў, у тым ліку аўтэнтычнай Лёзненскай кадрылі, характэрнай для канкрэтнай мясцовасці.

— Калі поспехі ў гэтым кірунку ў бібліятэк, што ўжо казаць пра музеі… На якія з іх варта звярнуць увагу аматарам гісторыі і мастацтва? Куды параіце чытачам завітаць?

— У ліку найбольш папулярных — Віцебскі абласны краязнаўчы музей, Нацыянальны Полацкі гісторыка-культурны музей-запаведнік, Музей Марка Шагала ў Віцебску, Музей гісторыі Віцебскага народнага мастацкага вучылішча. Таксама цікавасць для турыстаў павінны ўяўляць Музей гісторыі архітэктуры Сафійскага сабора, Музей беларускага кнігадрукавання ў Полацку, Музей-сядзіба Ільі Рэпіна «Здраўнёва», Браслаўскае раённае аб’яднанне музеяў, Глыбоцкі гісторыка-этнаграфічны музей і яго філіял у Мосары, Музейны комплекс гісторыі і культуры Аршаншчыны…

— Што новага ў гэтай сферы?

— У вобласці актыўна вядзецца работа па стварэнні новых экспазіцый музеяў. Так, у пачатку мая была адкрыта абноўленая экспазіцыя ва Ушацкім музеі народнай славы імя Героя Савецкага Саюза Уладзіміра Лабанка. Арганізоўваюцца новыя экспазіцыі ў Шумілінскім гісторыка-краязнаўчым музеі, а таксама ў новым будынку Музея Героя Савецкага Саюза Канстанціна Заслонава. Важнай задачай для музеяў з’яўляецца правядзенне на высокім узроўні юбілейнага 5-га нацыянальнага форуму «Музеі Беларусі», які пройдзе гэтай восенню ў Віцебску і ў якім павінны прыняць удзел усе музеі Віцебскай вобласці. Гэтае мерапрыемства змогуць наведаць усе ахвотныя.

— З якімі цяжкасцямі сутыкнулася ўпраўленне культуры апошнім часам? Як спрабуеце іх вырашыць?

— Доўгі час усе ўстановы культуры вобласці вымушаны былі працаваць ва ўмовах эпідэміялагічных абмежаванняў. Гэта адмоўна ўплывала на наведванне і колькасць мерапрыемстваў. У гэтым плане асабліва складаная сітуацыя была ў музеях. Напрыклад, 70 % ўсіх наведвальнікаў Музея Марка Шагала ў Віцебску ў перыяд да пандэміі складалі замежныя турысты. Увядзенне абмежаванняў на межах РФ і іншых краін вельмі балюча ўдарыла па гэтай і іншых установах культуры. Для вырашэння праблемы і прыцягнення наведвальнікаў музеі пайшлі ў інтэрнэт. У выніку, напрыклад, ролікі супрацоўніцы Віцебскага мастацкага музея Анастасіі Папроцкай пра асобныя знакавыя творы з фондаў установы за кароткі час набралі тысячы праглядаў у YouTube. На шчасце, сітуацыя змянілася ў станоўчы бок. Таму будзем спадзявацца, што многія нашы праблемы застануцца ў мінулым, але мы не пакінем таго, чаму навучыліся за гэты час.

Даведка

У Дзяржаўны спіс гісторыка-культурных каштоўнасцей Беларусі ўключана 966 аб’ектаў, размешчаных на тэрыторыі Віцебскай вобласці, у тым ліку помнікі горадабудаўніцтва (2), помнікі архітэктуры (299); помнікі археалогіі (370); помнікі гісторыі (264, абсалютная большасць з якіх — воінскія пахаванні); помнікі мастацтва (4); запаведныя месцы (2); рухомыя матэрыяльныя гісторыка-культурныя каштоўнасці (6); нематэрыяльныя гісторыка-культурныя каштоўнасці (19).
У вобласці ў кожным раёне ёсць уласны музей. Агульная колькасць дзяржаўных музеяў сферы культуры складае 28. Сярод найбольш запатрабаваных — Віцебскі абласны краязнаўчы музей і Нацыянальны Полацкі гісторыка-культурны музей-запаведнік, якія маюць шмат філіялаў. У Год гістарычнай памяці вялікай папулярнасцю сярод студэнтаў і школьнікаў карыстаецца Віцебскі абласны музей Героя Савецкага Саюза Міная Піліпавіча Шмырова. Турысты часцей за ўсё наведваюць Музей Марка Шагала ў Віцебску, Музей гісторыі Віцебскага народнага мастацкага вучылішча, якія звязаны з імёнамі сусветна вядомых мастакоў.
Сёння раёны маюць свае адметныя культурныя праекты, якія адлюстроўваюць мясцовыя асаблівасці. Набіраюць папулярнасць свята аматарскіх аб’яднанняў «Яблычны фэст», якое праводзіцца на радзіме селекцыянера Івана Сікоры ў вёсцы Алашкі Шаркаўшчынскага раёна, рэгіянальнае свята «Гарадоцкі Парнас» у гонар аўтара паэмы «Тарас на Парнасе» Канстанціна Вераніцына, фестываль вулічнага мастацтва «Волаты Прыдзвіння» ў Віцебскім раёне, экалагічнае свята «Жураўлі і журавіны Мёрскага краю» і шэраг іншых.

Яўгенія ШЫЦЬКА

Фота: БелТА

http://zviazda.by

Аграсядзіба “Бяроста” з вёскі Забарок Гарадоцкага раёну запрашае ў новую праграму-рэтрыт “Я ёсць!” Паспрабуйце!

“Праграма ўключае невялікі сплаў на байдарках (ці вандроўку на роварах) і арт-прагулянку пешшу па лесе, а таксама цікавыя заняткі эка-арт- тэрапіяй. Наш рэтрыт для тых, хто, як і мы, захапляецца прыродай, любіць шпацыраваць і актыўна варушыцца, а таксама цікавіцца пошукамі свайго «Я» і свайго месца ў жыцці. І хай вас не бянтэжыць слова «эка-арт-тэрапія» — умець маляваць ня трэба і лячыць вас мы не будзем! Замест нас гэта зробяць паветра, сонейка, лес і, магчыма, летні дожджык!” — так анасуюць праграму гаспадары сядзібы.

Падрабязная праграма кожнага дня:

Дзень першы

17.00 — сустрэча гасцей ў сядзібе. Знаёмства.Размяшчэнне.

‌
19.00 — вячэра.
‌
20.00 — вячоркі ля вогнішча, дзе мы познаёмімся бліжэй, а вы даведаецеся пра эка-арт- тэрапію і тое, што і як мы будзем рабіць.

Дзень другі

8.30 — невялічкая размінка-падрыхтоўка і тлумачэнне тэмы дня.

9.00 — сняданак

10.30 — 13.30 вандроўка ( на байдарках ці роварах)

14.00 — абед

15.00 — 17.00 — увасабленне вашых творчых задум, абмеркаванне

19.00 — вячэра

Дзень трэці

8.30 — наладжваньне на дзень

9.00 — сняданак

10.30−14.00 арт-прагулянка па лесе з заходам на лясное возера і ўнутр сябе, абмеркаванне таго, што атрымалася

14.00 — абед

15.00 — развітанне, ад’езд

Таксама гаспадары паведамляюць, што колькасць удзельнікаў — не больш за 6 чалавек. Дзеці — ад 10 гадоў (у суправаджэнні дарослых). Харчаванне: гарачыя сняданкі, абеды і вячэры (уключана ў кошт). Увесь турыстычны рыштунак і матэрыялы для заняткаў уваходзіць у кошт! Пражыванне ў доме ці ў намётах на тэрыторыі сядзібы на ваш выбар (таксама уключана ў кошт).

Акрамя ўсяго вышэй пералічанага ў вас таксама ёсць магчымасць атрымаць асабістую кансультацыю псіхолага за дадатковую плату.

Так што варта завітаць на уік-энд у гасцінную сядзібу “Бяроста”, каб адчуць родную прыроду Беларусі ў Гарадоцкім краі!

Больш інфармацыі тут: https://taplink.cc/beryosto

( Руская ) Отдых в режиме природы: чем привлекателен для туристов ретрит-центр в Чашникском районе?

dont translate

У Віцебску адкрыецца выстава ”Вытокі традыцый“ ад гарадоцкіх майстроў Таццяны Міснікавай і Вольгі Рэут

21 чэрвеня 2022 года ў 15.00 у выставачнай зале Віцебскага абласнога метадычнага цэнтра народнай творчасці ў межах арт-праекта ”Партрэт майстра“ адбудзецца адкрыццё выставы майстроў народных мастацкіх рамёстваў Гарадоцкага Дома рамёстваў і фальклору Таццяны Міснікавай і Вольгі Рэут ”Вытокі традыцый“.

Таццяна Уладзіміраўна Міснікава – народны майстар Рэспублікі Беларусь, член Заслужанага аматарскага калектыву Рэспублікі Беларусь народнага клуба майстроў народных мастацкіх рамёстваў ”Вытокі“. Уваходзіць у склад Беларускага Саюза майстроў народнай творчасці.
Працуе ў філіяле ”Гарадоцкі Дом рамёставаў і фальклору“ кіраўніком гуртка вышыўкі. Аднавіла традыцыйную на Гарадоччыне вышыўку ”перавіць з насцілам“. Валодае ўсімі відамі вышыўкі (крыжыкам, гладдзю, лікавай гладдзю, мярэжкай, перавіццю з насцілам і інш.).

Вялікая работа была праведзена вышывальшчыцай па аднаўленні традыцыйных касцюмаў Гарадоччыны. Вышывае па льняной тканіне, як хатняга, так і фабрычнага вырабу, баваўнянымі ніткамі ”мулінэ“, дакладна і вельмі якасна аднаўляючы лепшыя мясцовыя ўзоры. Арнаменты вышывак кашуль, фартухоў і намітак былі ўзяты майстрам з гарадоцкіх ручнікоў, знойдзеных падчас экспедыцый па раёну і ў фондах Гарадоцкага краязнаўчага музея. Вышыўка майстра вылучаецца традыцыйнасцю і высокім прафесійным майстэрствам.
Вольга Леанідаўна Рэут – народны майстар Рэспублікі Беларусь, майстар саломапляцення, народнага касцюма і шыцця з абрэзкаў тканіны, уваходзіць у склад Беларускага Саюза майстроў народнай творчасці, член Заслужанага аматарскага калектыву Рэспублікі Беларусь народнага клуба майстроў народных мастацкіх рамёстваў ”Вытокі“, кіраўнік гуртка саломапляцення філіяла ”Гарадоцкі Дом рамёстваў і фальклору“.

Вольга Леанідаўна валодае ўсімі відамі і прыёмамі саломапляцення, выконвае аплікацыі саломкай, вырабляе саламяных павукоў, галаўныя ўборы, упрыгоджванні, сухарніцы, скарбонкі і шмат інш. Тэматыка работ самая разнастайная. Вельмі прывабліваюць выразныя фігуркі жывёл і птушак майстрыхі, зроблена вялікая калекцыя саламяных лялек. З цікавасцю Вольга Леанідаўна займаецца вывучэннем народных абрадаў і звычаяў беларусаў. Серыя работ майстра прысвечана менавіта народным святам: маскі казы, калядныя зоркі, скарбонкі. Калекцыя пасхальных яек з інкрустацыяй саломкай вызначаецца высокім мастацкім густам. Шмат часу майстрыха прысвячае і распрацоўцы вытанчаных аплікацый у традыцыйным беларускім стылі, у якіх выкарыстоўвае тэмы народных святаў і матывы ўзораў вышыўкі беларускіх ручнікоў. Таксама майстар добра валодае тэхнікай спіральнага пляцення з саломы.
Аднак асобнае месца ў творчасці Вольгі Леанідаўны займае аднаўленне традыцыйных беларускіх галаўных убораў, такіх, як: брылі, картузы, наміткі, вясельныя вянкі для маладой, кароны князёўны, нават саламяныя мітры – не раз атрымлівалі ўзнагароды на абласных і рэспубліканскіх конкурсах і святах саломапляцення.

Паводле: https://vk.com/omcnt

Представители ГГАТК и РО РГОО «БООР» провели конкурс рыбной ловли «Ловись, рыбка‑2022»

В прошлую среду представители Городокского аграрно-технического колледжа и учреждения «Городокская РО РГОО «БООР» провели конкурс рыбной ловли «Ловись, рыбка‑2022». Молодёжь и педагоги с пользой провели досуг возле водоёма в д. Казиново.

Воспитатель общежития № 5 Валентина Марачёва рассказала, что многие ребята 1-х курсов с удовольствием откликнулись на предложение поучаствовать в конкурсе, порыбачить, пообщаться с однокурсниками: «На этом мероприятии молодёжь традиционно готовит уху, макароны по-флотски, ароматный чай. Как же здорово тёплым летним вечером любоваться местными пейзажами, петь песни у костра, делиться впечатлениями друг с другом. Летний отдых объединяет нас».

Учащиеся обустроили бытовую стоянку перед началом конкурса. После построения и жеребьёвки десять конкурсантов с рыболовными снастями отправились на отмеченные позиции.

По завершению трёхчасовой рыбалки члены жюри принялись оценивать свежепойманный улов.

По результатам конкурса егерь Городокской РО РГОО «БООР» Евгений Новиков вручил дипломы и памятные подарки рыбакам-лидерам. 1-е место — у Антона Нечай, 2-е — у Геннадия Букова, 3‑м стал Алексей Хромов.

Всех участников отметили грамотами и подарили рыболовные принадлежности, которые пригодятся в летнем сезоне. Молодые люди ещё долго обсуждали свои рыбные трофеи и наслаждались атмосферой отдыха на природе.

Юлия ПРИЩЕПА

( Руская ) Уникальный передвижной музей «Поезд Победы» прибыл в Витебск

dont translate

Тарас у Гарадку сустракаў гасцей — шмат весяліўся і смачна еў!

У мінулым нумары мы пачалі расказваць вам, паважаныя чытачы, як у раёне ладзілася свята народнай творчасці, паэзіі і фальклору «Гарадоцкі Парнас-2022» у гонар знакамітага земляка К. Вераніцына. Зараз мы падрабязней узгадаем асноўныя моманты мерапрыемства.

Важны складнік фестывалю — народныя рамёствы, бо менавіта яны з’яўляюцца адметнай часткай нашай культурнай спадчыны. У іх увасобілася неабдымная, вечна жывая душа народа, яго багаты практычны вопыт і эстэтычны густ. Сярод усяго багацця і разнастайнасці традыцыйных рамёстваў Віцебшчыны, пачэснае месца займае тэхналогія спіральнага пляцення. У 2020 г. яна ўнесена ў дзяржаўны спіс гісторыка-культурных каштоўнасцей Беларусі.
Адметна, што ўпершыню ў межах фестывалю адбыўся абласны пленэр па спіральным пляценні, удзельнікамі якога сталі майстры мастацкіх народных рамёстваў з Віцебска, Аршанскага, Чашніцкага, Дубровенскага і Талачынскага раёнаў, а таксама майстры і ўдзельнікі гурткоў Гарадоцкага Дома рамёстваў і фальклору. На працягу канцэртнай праграмы майстры крок за крокам стваралі прыгожыя, дасканалыя па форме рэчы, а напрыканцы прэзентавалі свае вырабы. Па выніках правядзення абласнога пленэру спецыяльнымі сертыфікатамі ўсіх яго ўдзельнікаў узнагародзіла загадчык аддзела традыцыйнай культуры Віцебскага абласнога метадычнага цэнтра народнай творчасці Лілія Рэзкіна.

Паэзія — нязменная частка творчасці, таму мастацкаму слову — асаблівае значэнне. Да прысутных з прамовай звярнулася наша зямлячка, таленавітая пісьменніца і паэтэса, член Саюза пісьменнікаў Беларусі, Расіі і Саюзнай дзяржавы Наталля Саветная. Таксама казачнымі радкамі, якія народжаны сэрцам, з прысутнымі падзялілася Святлана Студзянцова, якая 35 год адпрацавала настаўнікам беларускай мовы і літаратуры ў сярэдняй школе № 1 г. Гарадка. Нездарма свята «Тарас на Парнасе» мае міжнароднае значэнне — талент і натхненне не маюць межаў. Менавіта таму на сцэну запрасілі госця з Пскова, загадчыка сектара метадычнай работы культурнага цэнтра Упраўлення МУС па Пскоўскай вобласці, паэта, лаўрэата Міжнародных і Усерасійскіх фестываляў і конкурсаў, міжнароднага тэлевізійнага конкурса «Национальное достояние-2022» Уладзіміра Іванова. Бліжэй пазнаёміцца з творцамі кожны жадаючы мог падчас літаратурных чытанняў.
Таксама ў межах свята ўжо ў Х раз праходзіць конкурс дэкаратыўна-прыкладнога мастацтва «Ці знаў хто з вас, браткі, Тараса?». Сёлета ён сабраў 18 удзельнікаў. Лепшых з лепшых узнагародзілі дэпутат Палаты прадстаўнікоў Нацыянальнага сходу Рэспублікі Беларусь Ірына Палякова, старшыня Гарадоцкага райсавета дэпутатаў Святлана Зуева, начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая.

Гасцінны і шчодры «Гарадоцкі Парнас» заўжды багаты на пачастункі. Штогод на тэматычных падворках шырока прадстаўлены традыцыйныя стравы нашай самабытнай кухні. І сярод іх — наш гастранамічны брэнд — дранікі. Дарэчы, Гарадоцкі раён адзін з 15 у вобласці, у якім па рашэнні Рэспубліканскай навукова-метадычнай Рады пры Міністэрстве культуры дранікам нададзены статус гісторыка-культурнай каштоўнасці Беларусі. Калі гаворка зайшла пра прысмакі, самы час узгадаць і ІІІ раённы конкурс на лепшую юшку з рыбы, удзел у якім прынялі 14 каманд прадпрыемстваў, устаноў і арганізацый горада і раёна. Сярод асноўных момантаў, якія ацэньвала журы — уладкаванасць месца прыгатавання, смак стравы, а таксама яе прэзентацыя на галоўнай сцэне.

Журы ў складзе старшыні райаб’яднання прафсаюзаў Ларысы Пальчыкавай, старшыні райарганізацыі прафсаюза работнікаў АПК Таццяны Груганавай, старшыні РА РГА «Белая Русь» Таццяны Пушковай, першага сакратара РК ГА «БРСМ» Святланы Быцко было няпроста вызначыць лепшых, бо ўсе каманды да справы падыйшлі сур’ёзна і з поўнай самааддачай. Так, у намінацыі «Рыбнае багацце» перамагла каманда РКП «ЦУАСП». «Лепшая прэзентацыя юшкі» — зборная каманда сельвыканкамаў, «Лепшая візітоўка каманды» — УЗ «Гарадоцкая ЦРБ», «Лепшае афармленне хаціны рыбака» — ДУА «Яслі-сад № 2 г. Гарадка», «Самы арыгінальны рэцэпт юшкі» — ДУ ТЦСАН, «Самы крэатыўны кіраўнік–юшкавар» — ААТ «Птушкафабрыка Гарадок», «Даеш, моладзь!» — ДЛГУ «Гарадоцкі лясгас». «Прыз глядацкіх сімпатый» атрымалі зборная каманда РГЗ і РЭС, каманда райвыканкама. І, галоўная інтрыга, Гран-пры конкурсу – ДУ «Цэнтра па забеспячэнні дзейнасці бюджэтных арганізацый».

Не абыйшлося свята і без спартыўных спаборніцтваў. У мінулым годзе ўпершыню быў праведзены конкурс «Уладар лесу». Сярод сямі каманд устаноў і арганізацый горада лепшы ўзровень валодання спецыфікай лясной гаспадаркі, пазаканкурэнтныя спрытнасць і сілу паказалі прадстаўнікі каманды Гарадоцкага РГЗ, на другой ступені — Гарадоцкі лясгас, на трэцяй — КУВП «Гарадоцкае ПКіЦС».

Асобна хацелася б выказаць словы ўдзячнасці артыстам, якія на працягу дня забаўлялі аўдыторыю. У гэтым годзе, акрамя мясцовых талентаў, на свята да нас завіталі творчыя калектывы з абласнога цэнтра — вакальны ансамбль «Арыён» і дэлегацыя членаў Віцебскай абласной грамадскай арганізацыі сталых людзей «Залаты ўзрост».Вось так на Гарадоччыне прайшло свята, калі не ўдавацца ў падрабязнасці. Распавядаць можна яшчэ шмат пра што, а яшчэ лепш запытацца ў тых, хто весяліўся, удзельнічаў у спаборніцтвах, гатаваў і спрабаваў найсмачнейшую ў свеце юшку. Мы ўпэўненыя, што ўспамінаў і ўражанняў у іх хопіць яшчэ на доўгі час.

Юлія РУДЗЯКОВА

http://www.garadvest.by

Х юбілейны раённы адкрыты конкурс народнай творчасці “Ці знаў хто з вас, браткі, Тараса…?” прайшоў паспяхова

4 чэрвеня 2022 года, у межах ХІІІ свята народнай творчасці, беларускай паэзіі і фальклору “Гарадоцкі Парнас – 2022” прысвечанага паэту-земляку Канстанціну Вераніцыну адбыўся дзесяты, юбілейны раённы адкрыты конкурс народнай творчасці “Ці знаў хто з вас, браткі, Тараса…?”. Месцам правядзення свята зноў стаў бас-востраў, што знаходзіцца ў найпрыгажэйшых мясцінах Гарадоччыны – урочышчы Варабьёвы горы.

Наш конкурс стаў сапраўдным упрыгожваннем свята. Выстава лепшых твораў конкурса мінулых гадоў “Тарас на паказ”, як заўсёды прываблівала гледачоў сваёй разнастайнасцю. На выставе-продажы “Кірмаш ля Парнаса” былі шырока прадстаўлены вырабы народных майстроў і тэматычная сувеніры.

sdr

Ужо дзесяты раз клуб майстроў “Вытокі” філіяла “Гарадоцкі Дом рамёстваў і фальклору” збірае самых таленавітых майстроў, мастакоў і аматараў творчасці не толькі Гарадка. Традыцыйна прысутнічаюць на конкурсе і госці з іншых раёнаў вобласці, натхнёныя на творчасць паэмай “Тарас на Парнасе”. У 2022 годзе мы прымалі гасцей з Віцебска (Латышава Алена Уладзіміраўна – ўнітарнае прадпрыемства “Элект” ДУ “Бел ТІЗ” прадставіла пано “Макавае поле” у тэхніцы валянне з воўны ў намінацыі “Мой родны кут” ) і Талочына (майстры філіяла “Талочынскі раённы Дом рамёстваў” Станкевіч Ларыса Віктараўна і Селіверстава Любоў Сяргееўна прадставілі на конкурс сумесную работу ў тэхніках лозапляцення, роспісу і аплікацыі з саломкі”)

Усяго конкурс сабраў 20 ўдзельнікаў з 3 раёнаў вобласці, большасць, як і заўсёды, была з Гарадка. Конкурс праходзіў па трох намінацыях: “Вобраз Тараса”, “Мой родны кут”, “Сюжэтная замалёўка да паэмы “Тарас на Парнасе”. На суд журы былі прадстаўлены вырабы ў розных тэхніках выканання: саломапляценне і аплікацыя з саломкі, кераміка, лазапляценне, шыццё, выцінанка, валянне з воўны, роспіс па тканіне, вязанне кручком, жывапіс, тэкстыльная лялька і інш.).

sdr

Актыўны ўдзел у конкурсе прымалі як дзеці, так і дарослыя з розных арганізацый раёна. “Дзіцячая школа мастацтваў г.Гарадок” Гарэлікава Аляксандра, 12 год ІІІ месца ў намінацыі “Вобраз Тараса” . Яслі-сад №2 г.Гарадок – ІІІ месца ў намінацыі “Мой родны кут”, ДУК “Гарадоцкі культурна-асветніцкі цэнтр і сетка публічных бібліятэк” – І месца ў намінацыі “Вобраз Тараса”.

Святлана Хамутоўская, старшыня клубу “Вытокі”, фота аўтара

Першы абласны пленэр па спіральным пляценні паспяхова прайшоў у Гарадку!

Першы абласны пленэр па спіральным пляценні прайшоў 4 чэрвеня 2022 года ва ўрочышчы Вараб’ёвы горы г.Гарадка Віцебскай вобласці падчас рэгіянальнага свята народнай творчасці, беларускай паэзіі і фальклору ”Гарадоцкі Парнас“, прысвечанага паэту-земляку, аўтару паэмы К.Вераніцыну.

Арганізатары пленэра: упраўленне культуры Віцебскага абласнога выканаўчага камітэта, дзяржаўная ўстанова ”Віцебскі абласны метадычны цэнтр народнай творчасці“, аддзел ідэалагічнай работы, культуры і па справах моладзі Гарадоцкага раённага выканаўчага камітэта.

Мэтамі правядзення пленэра з’яўляліся: падтрымка народнай творчасці і народных мастацкіх рамёстваў, выяўленне сучаснага стану і перспектыў развіцця народнага дэкаратыўна-прыкладнога мастацтва, аднаўленне рэдкіх і забытых відаў традыцыйных мастацкіх рамёстваў і стымуляванне іх развіцця, дэманстрацыя творчага патэнцыялу майстроў народных мастацкіх рамёстваў, папулярызацыя відаў рамёстваў, унесеных у Дзяржаўны спіс гісторыка-культурных каштоўнасцей Рэспублікі Беларусь.

Традыцыйная тэхналогія спіральнага пляцення Віцебскай вобласці атрымала статус гісторыка-культурнай каштоўнасці нематэрыяльнага праяўлення творчасці чалавека ў 2020 годзе на пасяджэнні Беларускай рэспубліканскай навукова-метадычнай Рады па пытаннях гісторыка-культурнай спадычны пры Міністэрстве культуры Рэспублікі Беларусь .

Удзельнікамі пленэра сталі 20 майстроў з Віцебшчыны. Сярод іх усім вядомыя ”мэтры“: народныя майстры Рэспублікі Беларусь — Васіль Сіманковіч, Людміла Гаравая, Вольга Рэут з г.Гарадка, Худзякова Тэрэса з г.Чашнікі, член Беларускага саюза майстроў Людміла Вараб’ёва з Віцебска. Былі таксама майстры з Аршанскага, Сенненскага, Чашніцкага, Дубровенскага раёнаў Віцебскай вобласці і г.Віцебска.