|
Тэлеканал «Беларусь 3» 28 сакавіка ў 10.00 пазнаёміў гледачоў з традыцыяй спіральнага саламянага пляцення. |
|
 Тэхніка спіральнага пляцення лічыцца адной з самых старажытных і мае як бытавое, так і дэкаратыўнае прызначэнне. Майстры, дзякуючы якім гэты від народнага мастацтва захаваўся да нашых дзён, і зараз, як некалі нашы продкі, вырабляюць з саломы самыя розныя прадметы — ад кошыкаў і куфраў да капелюшоў і абутку. Гледачы пазнаёміліся з рамеснікамі клуба пры Браслаўскім музеі традыцыйнай культуры, зазірнулі у Гарадоцкі Дом рамёстваў і фальклору і да віцебскіх майстроў культурна-гістарычнага комплексу «Залатое кальцо горада Віцебска » Дзвіна «.
Дзякуючы іх дзейнасці самабытная тэхніка спіральнага пляцення застаецца запатрабаванай, а ў студзені атрымала статус нематэрыяльнай гісторыка-культурнай каштоўнасці Беларусі.
З 1 чэрвеня 2018 года па 1 сакавіка гэтага года ў эфір выйшлі 49 праграм з цыклу «Жывая культура». Кожны выпуск — асобны элемент спісу нематэрыяльных гісторыка-культурных каштоўнасцей, уключанага ў Дзяржаўны спіс гісторыка-культурных каштоўнасцяў Беларусі, які сёння складаецца з 92 элементаў. У канцэпцыі праекта — ахапіць усе элементы спісу, нават тыя, што будуць дапаўняцца з цягам часу. Ствараючы жывую відэаэнцыклапедыю, творчая група «Беларусь 3» ужо праехала 35 тыс. км, наведала больш за 200 вёсак і гарадоў, запісала каля 250 інтэрв’ю з носьбітамі і захавальнікамі народных традыцый. Юбілейны, 50-ты выпуск праграмы «Жывая культура» гледачы тэлеканала «Беларусь 3» ўбачылі ў эфіры 28 сакавіка ў 10:00 Л. Антонаў Глядзіце тут:. https://www.youtube.com |
|
