Гарадоцкі Дом рамёстваў і фальклору запрашае прыняць удзел у I-м раённым адкрытым конкурсе “Гарадоцкая лялька”.

Прыняць удзел у ім могуць усе жадаючыя дзеці і дарослыя. Вынікі конкурсу падвядзе  прафесійнае журы ў час святкавання Дня Незалежнасці Рэспублікі Беларусь . Для пераможцаў конкурсу вызначаюцца 9 прызавых месц ў 3-х намінацыях з уручэннем дыпломаў лаўрэатаў і прызоў:
1. намінацыя “Традыцыйная цацка і лялька” – І, ІІ, ІІІ месцы;
2. намінацыя  “Сувенірная аўтарская цацка і лялька” – І, ІІ, ІІІ месцы;

3. намінацыя  “Хатняя калекцыя” – І, ІІ, ІІІ месцы.

Усе ўдзельнікі конкурсу ўзнагароджваюцца дыпломамі за ўдзел.
На VIII-мы раённы адкрыты конкурс “Ці знаў хто з Вас, браткі, Тараса”, які пройдзе ў рамках ярмаркі рамёстваў, беларускай паэзіі і фальклору “Гарадоцкі Парнас”, прымаюцца вырабы ў любой традыцыйнай тэхніцы выканання (саломапляценне, кераміка, шыццё з абрэзкаў, выцінанка, вышыўка, распіс па тканіне) з выявай галоўнага персанажа паэмы – Тараса (пано, скульптура, малюнак), або з выявай мясцін радзімы Тараса ці ілюстрацыы да паэмы (пано, малюнак, калаж).
Таксама прапануем усім прыняць удзел у штогодным дапаўненні ручніка–абярэга “Повязь часоў”, які  будзе дэманстравацца ў час святкавання Дня Незалежнасці Республікі Беларусь. Удзельнікам неабходна на белай тканіне з ільну памерам 40×40 см вышыць пажадана традыцыйны узор Гарадоччыны у любой тэхніцы.
Па ўсім пытанням неабходна звяртацца ў Гарадоцкі Дом раместваў і фальклору па адрасу: г.Гарадок, вул.Валадарскага, 3, тел. (8-02139) 4-12-55.
 
 
Фота ілюстрацыйнае.

У Гарадку адбыліся дзве экскурсіі ў межах Х “Фэста экскурсаводаў”

13 красавіка 2019 года ў горадзе Гарадку ўпершыню адбыўся фэст-экскурсаводаў у межах Х  агульнанацыянальнага “Фэста экскурсаводаў”.

З 11 гадзінаў была першая экскурсія «Гарадок: мінулае і сучаснасць”, якую правяла Ксенія Бажанкова, супрацоўніца РФСК “Гарадок”. Экскурсанты прагуляліся па цэнтральнай плошчы горада і даведаліся гісторыю яе забудовы і прылеглых да плошчы будынкаў. Потым прайшлі па самай старой вуліцы горада Вялікай (цяпер – вул. Савецкая) і пазнаёміліся з гісторыяй будынкаў канца 19 ст – пачатку 20в. Пабывалі адразу ў двух кінатэатрах “Радзіма” г.Гарадка, якія былі ў розных месцах Гарадка. Даведаліся шмат пра будынкі горада і што ў іх раней знаходзілася.

Таксама экскурсанты пазнаёміліся з мінулым Свята – Мікалаеўскага сабора, які быў узведзены ў сярэдзіне19 стагоддзя. Экскурсія завяршылася каля самага маладога помніка райцэнтра – бюста двойчы Героя Савецкага саюза, Маршала І.Х. Баграмяна каля СШ №1.

У 13 гадзінаў пачалася другая экскурсія “Гарадок з мінулых стагоддзяў”, якую  праводзіў краязнаўца Леанід Гаравы. Разам з Леанідам Гаравым удзельнікі экскурсіі акунуліся ў гісторыю напісання паэмы – “Тарас на Парнасе” і яе мемарыялізацыю каля краязнаўчага музея.. Таксама экскурсанты пабывалі ў Гарадоцкім раённым краязнаўчым музеі, дзе супрацоўніца музея  ў зале этнаграфіі зрабіла агляд экспазіцый.

Пры руху у бок габрэйскіх могілак госці азнаёміліся з гісторыяй габрэяў г.Гарадка, а потым наведалі старажытныя габрэйскія магілы з унікальнымі пахавальнымі сталамі, агледзілі і сучасную частку могілак. Завяршылі экскурсію ў тым месцы, дзе жылі першыя жыхары Гарадка ў ІІІ-ХІ стагоддзі, каля возера Лугавога за вул. Зялёнай. Тут Леанід Гаравы распавёў пра даследаванні В.М. Ляўко тутэйшых курганаў, а таксама курганаў у іншых мясцінах Гарадоччыны, у тым ліку і каля былой вёскі, Альгова Межанскага сельсавета, якую хутчэй за ўсё заснавала княгіня Вольга пад час паходу ў Наўгародскую зямлю ў 947 годзе.

Удзельнікі экскурсій, сярод якіх былі і госці з Нямеччыны, падзякавалі экскурсаводаў з РФСК “Гарадок” за цікавы змест экскурсій і ветлівы прыём.

К. Сава

Раённы агляд-конкурс народнай творчасці “Гарадоцкая скарбонка -2019″ прадставіў гледачам лепшыя нумары мастацкай самадзейнасці Гарадоччыны

Штогод кожная ўстанова культуры Гарадоцкага раёна ДУК «Цэнтр традыцыйнай культуры і народнай творчасці»  прадстаўяе свае лепшыя нумары мастацкай самадзейнасці на раённым аглядзе-конкурсе  «Гарадоцкая скарбонка -2019″, якая адыгрывае значную ролю ў развіцці мастацкай самадзейнасці Гарадоччыны.  У  конкурсе, які быў прысвечаны Году малой радзімы,  прынялі удзел  вакальныя, харэаграфічныя, драматычныя, фальклорныя калектывы сельскіх дамоў культуры і клубаў раёна.  IMG_8843      Дзіцячы вакальны калектыў Віраўлянскага сельскага  дома культуры

IMG_9016 Верамееўскі сельскі Дом культуры — гурток эстрадна-тэатральнай мініцюры «Экземпляр»

IMG_9079       Дзіцячы фальклорны калектыў «Вязынка» Езярышчанскага ГПДК

IMG_8802      Фальклорны калектыў Халамерскага сельскага клуба 

IMG_7950    Урывак з абрада «Саракі» Кабішчанскага СДК

IMG_8182         Дуброўскі сельскі Дом культуры

IMG_8310      Сцяпанавічаскі сельскі клуб

IMG_8447 IMG_8451    Дзіцячы танцавальны калектыў Вархоўскага СДК

IMG_8595        Народны фальклорны калектыў «Спадарыня» Бычыхінскага СДК

http://gorodok.belcult.by/