Category Archives: Без рубрики

Гарадоцкая раённая бібліятэка запрашае да ўдзелу ў праекце “Зямля, дзе ўтульна сэрцу”

У жыцці кожнага чалавека ёсць куточак, успаміны аб якім на працягу ўсяго жыцця захоўваюцца ў сэрцы. Бяскрайнія рэкі, блакітныя азёры-люстэркі, шумныя дубровы, звонкія крыніцы — так і вабіць да сябе прыгажосць роднага краю.

Год малай радзімы – добрая нагода звярнуць увагу на родныя мясціны. І на тых, хто сваёй творчасцю, душэўнай неабыякавасцю дае гэтым месцам другое жыццё.

Гарадоцкая цэнтральная раённая бібліятэка ў рамках праекта “Зямля, дзе ўтульна сэрцу” прымае вершы, эсэ, паданні альбо апавяданні, прысвечаныя гораду Гарадку, Гарадоцкаму раёну. Прадстаўленыя матэрыялы размяшчаюцца на сайце Гарадоцкай сеткі публічных бібліятэк. Спасылкі на іх публікуюцца ў сацыяльных сетках “Одноклассники”, “ВКонтакте” для азнаямлення як мага большай колькасці карыстальнікаў. У канцы 2019 – пачатку 2020 года аддзелам бібліятэчнага маркетынгу будзе выдадзены літаратурны альманах з аўтарскімі паэтычнымі творамі і работамі малай прозы.

Удзельнічаць у праекце могуць жыхары горада Гарадка і Гарадоцкага раёна ўсіх узростаў.

Дасланыя на конкурс матэрыялы павінны адпавядаць тэматыцы, мець годную мастацкую якасць і не мець апісанняў гвалту, расавай або рэлігійнай варожасці, лаянак і схаванай рэкламы. Творы прымаюцца на беларускай і рускай мовах, яны не павінны мець аб’ём больш, чым 3500 знакаў. Аўтары нясуць персанальную адказнасць за змест матэрыялаў. Меркаванне работнікаў бібліятэкі можа не супадаць з меркаваннем аўтара. Творы назад не вяртаюцца. Бібліятэка пакідае за сабой права выбару матэрыялаў для публікацыі і не нясе адказнасць за парушэнне аўтарскіх праў.

Творчыя работы прымаюцца на электронных носьбітах у аддзеле бібліятэчнага маркетынгу альбо дасылаюцца па адрасу gorodok_cb@tut.by с пазнакай “Зямля, дзе ўтульна сэрцу”

Палажэнне конкурсу вы знойдзеце на сайце бібліятэкі http://gcb.belcult.by/index.php/component/k2/item/588..

Л. Антонаў

Паводле: http://gcb.belcult.by

 

 

У рэзідэнцыі Снягуркі завяршыліся Калядкі, ў якіх удзельнічалі дзеткі з садкоў Гарадка

З 21 студзеня па 1 лютага ў рэзідэнцыі Снягуркі праходзілі Калядкі, якія падрыхтавала ДУК “Цэнтр традыцыйнай культуры і народнай творчасці” з удзелам самадзейных артыстаў г. Гарадка.

Выхаванцам ДУА “Яслі-сад № 2 г.Гарадка” пашчасціла пабываць на гэтым дзіўным свяце.

З  захапленнем дзеці сустрэліся  у РЭЗІДЭНЦЫІ СНЯГУРАЧКІ з персанажамі беларускіх калядак – казой, мядзведзем, цыганамі, нязменным захавальнікам казачнага лесу  – Шуршуняй, Бабай Ягой, снегавікамі і гаспадыняй рэзідэнцыі  – Снягурачкай.

Хтосьці з дзяцей апынуўся ў ролі Механошы, а хтосьці выконваў дзеянні Звяздара. Усе разам павадзілі  карагод  сяброўства (словы і музыка карагода  былі запісаны у вёскі Дуброва  Гарадоцкага раёна у 2003 годзе)  Колькі радасці, пазітыўных эмоцый, зарада энергіі  і незабыўных уражанняў узялі с сабой  дзеці, не пералічыць.

Напрыканцы Калядак ўсе героі жадалі дзеткам шчасця, здароўя і уручалі салодкія пачастункі. Далучэнне дзяцей да ўдзелу ў святах беларускага календара дае ім магчымасць на практыцы спазнаць яго  культуру і гісторыю, пашырыць кругагляд, прывіваць любоў да беларускай народнай творчасці і проста  выклікаць у дзяцей радасны i святочны настрой!

Па нашай інфармацыі за час адкрыцця рэзідэнцыі Снягуркі на ёй пабывала каля дваццаці арганізаваных груп, да якіх далучаліся госці з Віцебску, Наваполацку, а таксама з Расіі – Санкт-Пецярбурга, Мурманска. А выхаванцы дзіцячага садка №2 мусіць самыя частыя госці ў рэзідэнцыі Снягуркі.

Да канцы зімы ў рэзідэнцыі Снягуркі магчыма і далей замаўляць цікавыя сустрэчы па тэл.: +3752139-42028; 52250; 41774.

Л. Антонаў

Фота з сайта: http://sad2.gorodok.edu.by