Але ў другім тайме гарадоцкая каманда працягвала дыктаваць свае умовы гульні. Зноў бліскуча гуляе Алег Слауцін, які спачатку выкарыстаў памылку галкіпера і зрабіў лік 4:1, а потым са штрафнога ў пяты раз (!!!) пакрыўдзіў полацкіх футбалістаў.

Нарэшце сатварыў свой чарговы шэдэвр і няўрымслівы Эдуард Ізафатаў, які давёў лік да сорамнага значэння — 6:1. Пасля гэтага наша каманда зменшыла націск, чым скарысталіся візаві з Полацка, забіўшы два галы ў нашу браму. Выніковы лік — 6:3 засведчыў нашу ўпэўненую перамогу. Пасля гэтага былі вялікія эмоцыі перамогі, цэрымонія узнагароджання і радасць ад узятай футбольнай вышыні…

Гэта вынік шматгадовай дзейнасці трэнера Сяргея Куракова і падтрымкі каманды ў апошнія гады мясцовай уладай.

Цяпер застаецца чакаць ад ФК “Дзецкасельскі” перамогі і ў чэмпіянаце Віцебскай вобласці, калі так пераканаўча быў “біты” лідар заходняй групы.

Л. Антонаў

Паводле інфо: суполка “Луч” https://vk.com/luch_gorogok; суполка Віцебская абласная «Федэрацыя футбола»: https://vk.com/public118650590