У Віцебску адкрыецца выстава ”Вытокі традыцый“ ад гарадоцкіх майстроў Таццяны Міснікавай і Вольгі Рэут

21 чэрвеня 2022 года ў 15.00 у выставачнай зале Віцебскага абласнога метадычнага цэнтра народнай творчасці ў межах арт-праекта ”Партрэт майстра“ адбудзецца адкрыццё выставы майстроў народных мастацкіх рамёстваў Гарадоцкага Дома рамёстваў і фальклору Таццяны Міснікавай і Вольгі Рэут ”Вытокі традыцый“.
Таццяна Уладзіміраўна Міснікава – народны майстар Рэспублікі Беларусь, член Заслужанага аматарскага калектыву Рэспублікі Беларусь народнага клуба майстроў народных мастацкіх рамёстваў ”Вытокі“. Уваходзіць у склад Беларускага Саюза майстроў народнай творчасці.
Працуе ў філіяле ”Гарадоцкі Дом рамёставаў і фальклору“ кіраўніком гуртка вышыўкі. Аднавіла традыцыйную на Гарадоччыне вышыўку ”перавіць з насцілам“. Валодае ўсімі відамі вышыўкі (крыжыкам, гладдзю, лікавай гладдзю, мярэжкай, перавіццю з насцілам і інш.).
Вялікая работа была праведзена вышывальшчыцай па аднаўленні традыцыйных касцюмаў Гарадоччыны. Вышывае па льняной тканіне, як хатняга, так і фабрычнага вырабу, баваўнянымі ніткамі ”мулінэ“, дакладна і вельмі якасна аднаўляючы лепшыя мясцовыя ўзоры. Арнаменты вышывак кашуль, фартухоў і намітак былі ўзяты майстрам з гарадоцкіх ручнікоў, знойдзеных падчас экспедыцый па раёну і ў фондах Гарадоцкага краязнаўчага музея. Вышыўка майстра вылучаецца традыцыйнасцю і высокім прафесійным майстэрствам.
Вольга Леанідаўна Рэут – народны майстар Рэспублікі Беларусь, майстар саломапляцення, народнага касцюма і шыцця з абрэзкаў тканіны, уваходзіць у склад Беларускага Саюза майстроў народнай творчасці, член Заслужанага аматарскага калектыву Рэспублікі Беларусь народнага клуба майстроў народных мастацкіх рамёстваў ”Вытокі“, кіраўнік гуртка саломапляцення філіяла ”Гарадоцкі Дом рамёстваў і фальклору“.
Вольга Леанідаўна валодае ўсімі відамі і прыёмамі саломапляцення, выконвае аплікацыі саломкай, вырабляе саламяных павукоў, галаўныя ўборы, упрыгоджванні, сухарніцы, скарбонкі і шмат інш. Тэматыка работ самая разнастайная. Вельмі прывабліваюць выразныя фігуркі жывёл і птушак майстрыхі, зроблена вялікая калекцыя саламяных лялек. З цікавасцю Вольга Леанідаўна займаецца вывучэннем народных абрадаў і звычаяў беларусаў. Серыя работ майстра прысвечана менавіта народным святам: маскі казы, калядныя зоркі, скарбонкі. Калекцыя пасхальных яек з інкрустацыяй саломкай вызначаецца высокім мастацкім густам. Шмат часу майстрыха прысвячае і распрацоўцы вытанчаных аплікацый у традыцыйным беларускім стылі, у якіх выкарыстоўвае тэмы народных святаў і матывы ўзораў вышыўкі беларускіх ручнікоў. Таксама майстар добра валодае тэхнікай спіральнага пляцення з саломы.
Аднак асобнае месца ў творчасці Вольгі Леанідаўны займае аднаўленне традыцыйных беларускіх галаўных убораў, такіх, як: брылі, картузы, наміткі, вясельныя вянкі для маладой, кароны князёўны, нават саламяныя мітры – не раз атрымлівалі ўзнагароды на абласных і рэспубліканскіх конкурсах і святах саломапляцення.
 
Паводле: https://vk.com/omcnt

Представители ГГАТК и РО РГОО «БООР» провели конкурс рыбной ловли «Ловись, рыбка‑2022»

В прошлую среду представители Городокского аграрно-технического колледжа и учреждения «Городокская РО РГОО «БООР» провели конкурс рыбной ловли «Ловись, рыбка‑2022». Молодёжь и педагоги с пользой провели досуг возле водоёма в д. Казиново.


Воспитатель общежития № 5 Валентина Марачёва рассказала, что многие ребята 1-х курсов с удовольствием откликнулись на предложение поучаствовать в конкурсе, порыбачить, пообщаться с однокурсниками: «На этом мероприятии молодёжь традиционно готовит уху, макароны по-флотски, ароматный чай. Как же здорово тёплым летним вечером любоваться местными пейзажами, петь песни у костра, делиться впечатлениями друг с другом. Летний отдых объединяет нас».

Учащиеся обустроили бытовую стоянку перед началом конкурса. После построения и жеребьёвки десять конкурсантов с рыболовными снастями отправились на отмеченные позиции.

По завершению трёхчасовой рыбалки члены жюри принялись оценивать свежепойманный улов.

По результатам конкурса егерь Городокской РО РГОО «БООР» Евгений Новиков вручил дипломы и памятные подарки рыбакам-лидерам. 1-е место — у Антона Нечай, 2-е — у Геннадия Букова, 3‑м стал Алексей Хромов.

Всех участников отметили грамотами и подарили рыболовные принадлежности, которые пригодятся в летнем сезоне. Молодые люди ещё долго обсуждали свои рыбные трофеи и наслаждались атмосферой отдыха на природе.

Юлия ПРИЩЕПА

Тарас у Гарадку сустракаў гасцей — шмат весяліўся і смачна еў!

У мінулым нумары мы пачалі расказваць вам, паважаныя чытачы, як у раёне ладзілася свята народнай творчасці, паэзіі і фальклору «Гарадоцкі Парнас-2022» у гонар знакамітага земляка К. Вераніцына. Зараз мы падрабязней узгадаем асноўныя моманты мерапрыемства.


Важны складнік фестывалю — народныя рамёствы, бо менавіта яны з’яўляюцца адметнай часткай нашай культурнай спадчыны. У іх увасобілася неабдымная, вечна жывая душа народа, яго багаты практычны вопыт і эстэтычны густ. Сярод усяго багацця і разнастайнасці традыцыйных рамёстваў Віцебшчыны, пачэснае месца займае тэхналогія спіральнага пляцення. У 2020 г. яна ўнесена ў дзяржаўны спіс гісторыка-культурных каштоўнасцей Беларусі.
Адметна, што ўпершыню ў межах фестывалю адбыўся абласны пленэр па спіральным пляценні, удзельнікамі якога сталі майстры мастацкіх народных рамёстваў з Віцебска, Аршанскага, Чашніцкага, Дубровенскага і Талачынскага раёнаў, а таксама майстры і ўдзельнікі гурткоў Гарадоцкага Дома рамёстваў і фальклору. На працягу канцэртнай праграмы майстры крок за крокам стваралі прыгожыя, дасканалыя па форме рэчы, а напрыканцы прэзентавалі свае вырабы. Па выніках правядзення абласнога пленэру спецыяльнымі сертыфікатамі ўсіх яго ўдзельнікаў узнагародзіла загадчык аддзела традыцыйнай культуры Віцебскага абласнога метадычнага цэнтра народнай творчасці Лілія Рэзкіна.

 

Паэзія — нязменная частка творчасці, таму мастацкаму слову — асаблівае значэнне. Да прысутных з прамовай звярнулася наша зямлячка, таленавітая пісьменніца і паэтэса, член Саюза пісьменнікаў Беларусі, Расіі і Саюзнай дзяржавы Наталля Саветная. Таксама казачнымі радкамі, якія народжаны сэрцам, з прысутнымі падзялілася Святлана Студзянцова, якая 35 год адпрацавала настаўнікам беларускай мовы і літаратуры ў сярэдняй школе № 1 г. Гарадка. Нездарма свята «Тарас на Парнасе» мае міжнароднае значэнне — талент і натхненне не маюць межаў. Менавіта таму на сцэну запрасілі госця з Пскова, загадчыка сектара метадычнай работы культурнага цэнтра Упраўлення МУС па Пскоўскай вобласці, паэта, лаўрэата Міжнародных і Усерасійскіх фестываляў і конкурсаў, міжнароднага тэлевізійнага конкурса «Национальное достояние-2022» Уладзіміра Іванова. Бліжэй пазнаёміцца з творцамі кожны жадаючы мог падчас літаратурных чытанняў.
Таксама ў межах свята ўжо ў Х раз праходзіць конкурс дэкаратыўна-прыкладнога мастацтва «Ці знаў хто з вас, браткі, Тараса?». Сёлета ён сабраў 18 удзельнікаў. Лепшых з лепшых узнагародзілі дэпутат Палаты прадстаўнікоў Нацыянальнага сходу Рэспублікі Беларусь Ірына Палякова, старшыня Гарадоцкага райсавета дэпутатаў Святлана Зуева, начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая.

 

 


Гасцінны і шчодры «Гарадоцкі Парнас» заўжды багаты на пачастункі. Штогод на тэматычных падворках шырока прадстаўлены традыцыйныя стравы нашай самабытнай кухні. І сярод іх — наш гастранамічны брэнд — дранікі. Дарэчы, Гарадоцкі раён адзін з 15 у вобласці, у якім па рашэнні Рэспубліканскай навукова-метадычнай Рады пры Міністэрстве культуры дранікам нададзены статус гісторыка-культурнай каштоўнасці Беларусі. Калі гаворка зайшла пра прысмакі, самы час узгадаць і ІІІ раённы конкурс на лепшую юшку з рыбы, удзел у якім прынялі 14 каманд прадпрыемстваў, устаноў і арганізацый горада і раёна. Сярод асноўных момантаў, якія ацэньвала журы — уладкаванасць месца прыгатавання, смак стравы, а таксама яе прэзентацыя на галоўнай сцэне.

 


Журы ў складзе старшыні райаб’яднання прафсаюзаў Ларысы Пальчыкавай, старшыні райарганізацыі прафсаюза работнікаў АПК Таццяны Груганавай, старшыні РА РГА «Белая Русь» Таццяны Пушковай, першага сакратара РК ГА «БРСМ» Святланы Быцко было няпроста вызначыць лепшых, бо ўсе каманды да справы падыйшлі сур’ёзна і з поўнай самааддачай. Так, у намінацыі «Рыбнае багацце» перамагла каманда РКП «ЦУАСП». «Лепшая прэзентацыя юшкі» — зборная каманда сельвыканкамаў, «Лепшая візітоўка каманды» — УЗ «Гарадоцкая ЦРБ», «Лепшае афармленне хаціны рыбака» — ДУА «Яслі-сад № 2 г. Гарадка», «Самы арыгінальны рэцэпт юшкі» — ДУ ТЦСАН, «Самы крэатыўны кіраўнік–юшкавар» — ААТ «Птушкафабрыка Гарадок», «Даеш, моладзь!» — ДЛГУ «Гарадоцкі лясгас». «Прыз глядацкіх сімпатый» атрымалі зборная каманда РГЗ і РЭС, каманда райвыканкама. І, галоўная інтрыга, Гран-пры конкурсу – ДУ «Цэнтра па забеспячэнні дзейнасці бюджэтных арганізацый».

 

 


Не абыйшлося свята і без спартыўных спаборніцтваў. У мінулым годзе ўпершыню быў праведзены конкурс «Уладар лесу». Сярод сямі каманд устаноў і арганізацый горада лепшы ўзровень валодання спецыфікай лясной гаспадаркі, пазаканкурэнтныя спрытнасць і сілу паказалі прадстаўнікі каманды Гарадоцкага РГЗ, на другой ступені — Гарадоцкі лясгас, на трэцяй — КУВП «Гарадоцкае ПКіЦС».

 

Асобна хацелася б выказаць словы ўдзячнасці артыстам, якія на працягу дня забаўлялі аўдыторыю. У гэтым годзе, акрамя мясцовых талентаў, на свята да нас завіталі творчыя калектывы з абласнога цэнтра — вакальны ансамбль «Арыён» і дэлегацыя членаў Віцебскай абласной грамадскай арганізацыі сталых людзей «Залаты ўзрост».Вось так на Гарадоччыне прайшло свята, калі не ўдавацца ў падрабязнасці. Распавядаць можна яшчэ шмат пра што, а яшчэ лепш запытацца ў тых, хто весяліўся, удзельнічаў у спаборніцтвах, гатаваў і спрабаваў найсмачнейшую ў свеце юшку. Мы ўпэўненыя, што ўспамінаў і ўражанняў у іх хопіць яшчэ на доўгі час.

Юлія РУДЗЯКОВА

http://www.garadvest.by

Х юбілейны раённы адкрыты конкурс народнай творчасці “Ці знаў хто з вас, браткі, Тараса…?” прайшоў паспяхова

4 чэрвеня 2022 года, у межах ХІІІ свята народнай творчасці, беларускай паэзіі і фальклору “Гарадоцкі Парнас – 2022” прысвечанага паэту-земляку Канстанціну Вераніцыну  адбыўся дзесяты, юбілейны раённы адкрыты конкурс народнай творчасці “Ці знаў хто з вас, браткі, Тараса…?”. Месцам правядзення свята зноў стаў бас-востраў, што знаходзіцца ў найпрыгажэйшых мясцінах Гарадоччыны – урочышчы Варабьёвы горы.

Наш конкурс стаў сапраўдным упрыгожваннем свята. Выстава лепшых твораў конкурса мінулых гадоў “Тарас на паказ”, як заўсёды прываблівала гледачоў сваёй разнастайнасцю. На выставе-продажы “Кірмаш ля Парнаса”  былі шырока прадстаўлены вырабы народных майстроў і тэматычная сувеніры.

sdr

Ужо дзесяты раз клуб  майстроў “Вытокі” філіяла “Гарадоцкі Дом рамёстваў і фальклору” збірае самых таленавітых майстроў, мастакоў і аматараў творчасці не толькі Гарадка. Традыцыйна  прысутнічаюць  на конкурсе і госці з іншых раёнаў вобласці, натхнёныя на творчасць паэмай “Тарас на Парнасе”. У 2022 годзе мы прымалі гасцей з Віцебска (Латышава Алена Уладзіміраўна – ўнітарнае прадпрыемства “Элект” ДУ “Бел ТІЗ” прадставіла пано “Макавае поле” у тэхніцы валянне з воўны  ў намінацыі “Мой родны кут” ) і Талочына (майстры філіяла “Талочынскі раённы Дом рамёстваў” Станкевіч Ларыса Віктараўна і Селіверстава Любоў Сяргееўна прадставілі на конкурс сумесную работу ў тэхніках лозапляцення, роспісу і аплікацыі з саломкі”)

Усяго конкурс сабраў 20 ўдзельнікаў з 3 раёнаў вобласці, большасць, як і заўсёды, была з Гарадка. Конкурс праходзіў па трох намінацыях: “Вобраз Тараса”, “Мой родны кут”, “Сюжэтная замалёўка да паэмы “Тарас на Парнасе”. На суд журы былі прадстаўлены вырабы ў розных тэхніках выканання: саломапляценне і аплікацыя з саломкі, кераміка, лазапляценне, шыццё, выцінанка, валянне з воўны,  роспіс па тканіне, вязанне кручком, жывапіс, тэкстыльная лялька і інш.).

 

sdr

Актыўны ўдзел у конкурсе прымалі як дзеці,  так  і дарослыя з розных арганізацый раёна. “Дзіцячая школа мастацтваў г.Гарадок” Гарэлікава Аляксандра, 12 год ІІІ месца ў намінацыі “Вобраз Тараса” . Яслі-сад №2 г.Гарадок  – ІІІ месца ў намінацыі “Мой родны кут”, ДУК “Гарадоцкі культурна-асветніцкі цэнтр і сетка публічных бібліятэк” – І месца ў намінацыі “Вобраз Тараса”.

Святлана Хамутоўская, старшыня клубу “Вытокі”, фота аўтара

Першы абласны пленэр па спіральным пляценні паспяхова прайшоў у Гарадку!

Першы абласны пленэр па спіральным пляценні прайшоў  4 чэрвеня 2022 года ва ўрочышчы Вараб’ёвы горы г.Гарадка Віцебскай вобласці падчас рэгіянальнага свята народнай творчасці, беларускай паэзіі і фальклору ”Гарадоцкі Парнас“, прысвечанага паэту-земляку, аўтару паэмы  К.Вераніцыну.

Арганізатары пленэра: упраўленне культуры Віцебскага абласнога выканаўчага камітэта, дзяржаўная ўстанова ”Віцебскі абласны метадычны цэнтр народнай творчасці“, аддзел ідэалагічнай работы, культуры і па справах моладзі Гарадоцкага раённага выканаўчага камітэта.

Мэтамі правядзення пленэра з’яўляліся: падтрымка народнай творчасці і народных мастацкіх рамёстваў, выяўленне сучаснага стану і перспектыў развіцця народнага дэкаратыўна-прыкладнога мастацтва, аднаўленне рэдкіх і забытых відаў традыцыйных мастацкіх рамёстваў і стымуляванне іх развіцця, дэманстрацыя творчага патэнцыялу майстроў народных мастацкіх рамёстваў, папулярызацыя відаў рамёстваў, унесеных у Дзяржаўны  спіс гісторыка-культурных каштоўнасцей Рэспублікі Беларусь.

      Традыцыйная тэхналогія спіральнага пляцення Віцебскай вобласці атрымала статус гісторыка-культурнай каштоўнасці нематэрыяльнага праяўлення творчасці чалавека ў 2020 годзе на пасяджэнні Беларускай рэспубліканскай навукова-метадычнай Рады па пытаннях гісторыка-культурнай спадычны пры Міністэрстве культуры Рэспублікі Беларусь .

      Удзельнікамі пленэра сталі 20 майстроў з Віцебшчыны. Сярод іх усім вядомыя ”мэтры“: народныя майстры Рэспублікі Беларусь — Васіль Сіманковіч, Людміла Гаравая,  Вольга Рэут з г.Гарадка, Худзякова Тэрэса з г.Чашнікі,  член Беларускага саюза майстроў Людміла Вараб’ёва з Віцебска. Былі таксама майстры з Аршанскага, Сенненскага, Чашніцкага, Дубровенскага раёнаў Віцебскай вобласці і г.Віцебска.

 

       Дэвіз пленэра: Навучыся і перадай майстэрства!

      Першы абласны пленэр па спіральным пляценні атрымаўся сапраўды цікавым, пазнавальным і разнастайным. Усе ўдзельнікі атрымалі сертыфікаты.

 

У Гарадоцкім раёне фестываль «Гарадоцкі Парнас» сабраў аматараў народнай творчасці, паэзіі і фальклору

Фестываль народнай творчасці «Гарадоцкі Парнас» праходзіць на Гарадоччыне. На мерапрыемстве традыцыйна збіраюцца сотні жыхароў раёна і госці з Беларусі і Расіі, каб прадэманстраваць свае таленты і здзівіцца талентам іншых. Фестываль — візітная картка раёна, ён прысвечаны мясцоваму выхадцу — паэту, аўтару папулярнай у ХIХ стагоддзі паэмы «Тарас на Парнасе».
Міфічная гара, дзе адбываецца дзеянне ў творы, — сімвал творчай вяршыні. Таму фестываль прадстаўляе самадзейнае мастацтва ва ўсіх яго праявах — ад вершаў і танцаў да традыцыйных рамёстваў і нацыянальнай кухні. Ужо некалькі гадоў свята арганізуюць ва ўрочышчы Вараб’ёвы горы на ўскрайку райцэнтра. У маляўнічым кутку на беразе возера адкрыліся дзясяткі тэматычных інтэрактыўных зон, у тым ліку для дзяцей, выставы-продажы вырабаў народных майстроў, гастранамічны падворак «Юшка для Тараса», дзе наведвальнікам прапаноўвалі прадэгуставаць дзясяткі варыянтаў любімай многімі юшкі і г.д.

Фестываль наведаў старшыня абласнога Савета дэпутатаў Уладзімір Цярэнцьеў. Ён падкрэсліў, што з году ў год гэту падзею прыцягвае ўсё больш гасцей. Таксама кіраўнік дэпутацкага корпуса прыадкрыў таямніцу — раённыя і абласныя ўлады прыкладаюць максімум намаганняў, каб права правесці адзін з найбліжэйшых Дзён беларускага пісьменства даверылі менавіта Гарадоччыне.

У фестывалі таксама прынялі ўдзел: дэпутат Палаты прадстаўнікоў Нацыянальнага сходу Ірына Палякова, дэпутат Савета Рэспублікі Нацыянальнага сходу Анатоль Шчасны, начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая, начальнік упраўлення культуры аблвыканкама Пётр Падгурскі.

Падчас цырымоніі ўрачыстага адкрыцця старшыня райвыканкама Пётр Карабач уручыў памятныя падарункі і статуэткі «Зорны Тарас» лаўрэатам прэміі «Земляк года». Прэмія ўручаецца як ураджэнцам раёна, так і людзям, якія ўнеслі значны ўклад у развіццё Гарадоччыны. У бягучым годзе ўзнагародамі ўганараваны былы кіраўнік МНС Беларусі Уладзімір Вашчанка, які ў юныя гады жыў у аграгарадку Бычыха, і знакаміты беларускі мастак Віктар Шылко, які з’явіўся на свет у вёсцы Зарэчча.

Пасля афіцыйнай часткі наступіла чарада конкурсаў, у прыватнасці «Уладара лесу» (менавіта з лесам была звязана прафесійная дзейнасць галоўнага героя паэмы «Тарас на Парнасе»), народнай творчасці «Ці знаў хто з вас, браткі, Тараса?» і «Доўгая каса — дзявочая прыгажосць» на прызы раённай газеты «Гарадоцкі веснік». Таксама адной з цэнтральных падзеяў стала праца паэтычнай пляцоўкі «Вераніцынская зорка».

Ад рэдактара сайта. Упершыню на свяце прайшоў абласны пленэр па спіральным пляценні. Гарадок прадстаўлялі вядучы майстар спіральнага пляцення Беларусі, народны майстар — Васіль Сіманковіч, а таксама народныя майстры Беларусі Людміла Гаравая і Вольга Рэут з удзелам вучняў Гарадоцкага Дома рамёстваў і фальклору.

Эдуард Каралевіч. Фота аўтара.

Пераклад з расейскай мовы рэдактара.

Паводле: https://vitvesti.by/obshestvo/v-gorodokskom-raione-festival-gorodokskii-parnas-sobral-liubitelei-narodnogo-tvorchestva.html

Пленэр па спіральным пляценні пройдзе ў Гарадку у межах свята “Гарадоцкі Парнас”

Упершыню ў горадзе Гарадок Віцебскай вобласці 4 чэрвеня 2022 года пройдзе абласны пленэр па спіральным пляценні ў рамках рэгіянальнага свята народнай творчасці, беларускай паэзіі і фальклору “Гарадоцкі Парнас”, прысвечанага паэту-земляку, аўтару паэмы “Тарас на Парнасе” К.Вераніцыну.

Мэтай правядзення Пленэру з’яўляецца падтрымка народнай творчасці і народных мастацкіх рамёстваў, выяўленне сучаснага стану і перспектыў развіцця народнага дэкаратыўна-прыкладнога мастацтва, аднаўленне рэдкіх і забытых відаў традыцыйных мастацкіх рамёстваў і стымуляванне іх развіцця, дэманстрацыя творчага патэнцыялу майстроў народных мастацкіх рамёстваў, папулярызацыя відаў рамёстваў, унесеных у дзяржаўны спіс гісторыка-культурнай спадчыны Рэспублікі Беларусь.

Удзельнікі Пленэру — майстры народнага дэкаратыўна-прыкладнога мастацтва клубаў майстроў народных мастацкіх рамёстваў, Дамоў (Цэнтраў) рамёстваў, устаноў культуры клубнага тыпу, дзіцячых школ мастацтваў, іншыя фізічныя асобы, якія займаюцца спіральным пляценнем.

Нагадаем, што раней статус нематэрыяльнай гісторыка-культурнай каштоўнасці Беларусі атрымала традыцыйная тэхналогія спіральнага пляцення Гарадоцкага, Браслаўскага, Верхнядзвінскага раёнаў Віцебскай вобласці і Віцебска.

Спіральнае пляценне – адзін з найстарэйшых відаў пляцення. Гэта тэхніка вядома амаль усім земляробчым народам Еўропы яшчэ з эпохі неаліту. Распаўсюджана яна была і на тэрыторыі Беларусі. Напрыклад, на Віцебшчыне ў пачатку ХХ стаго

ддзя тэхніка была шырока прадстаўлена ў вёсках Гарадоцкага і Браслаўскага раёнаў, дзе майстры з яе дапамогай выраблялі прадметы хатняга ўжытку: ёмістасці для захоўвання прадуктаў харчавання і адзення, мэблю, вуллі, абутак, палавікі, заслоны на вокны. “Асноўнымі носьбітамі гэтай тэхналогіі ў 1980-1990-я гады былі Адам Краўчук з Віцебска, Пётр Карэнік і Міхаіл Чаркас з Браслава. Цікавяцца ёй і сучасныя майстры, многія з якіх займаюцца даследаваннем сваіх рэгіёнаў і рэканструкцыяй знойдзеных артэфактаў спіральнага саломапляцення”, – адзначылі ў цэнтры народнай творчасці.

Традыцыя спіральнага пляцення на Віцебшчыне адраджаецца супольнасцю майстроў у амаль нязменным выглядзе ў Браслаўскім, Верхнядзвінскім, Гарадоцкім раёнах і Віцебску. Для папулярызацыі гэтай тэхналогіі і народных рамёстваў у культурна-гістарычным комплексе “Залатое кальцо горада Віцебска “Дзвіна”, Гарадоцкім Доме рамёстваў і фальклору, Браслаўскім музеі традыцыйнай культуры таксама дзейнічаюць гурткі па спіральным пляценні для дзяцей і дарослых.

“Гэты элемент нематэрыяльнай спадчыны ярка характарызуе гістарычны і этнаграфічны ландшафт гэтых рэгіёнаў Віцебскай вобласці. Ён каштоўны для мясцовых жыхароў сваім зместам, характарам, адпавядае іх бытавым уяўленням”, – адзначаюць ў цэнтры народнай творчасці.

 

Варта адзначыць, што Гарадок прадстаўляе вядучы майстар спіральнага пляцення

Беларусі, народны майстар  – Васіль Сіманковіч.

Л. Антонаў