Экспарт турыстычных паслугаў па Гарадоцкаму раёну за другі квартал павялічыўся больш чым на трэць

Па інфармацыі аб’ектаў турыстычнай індустрыі Гарадоцкага раёну за першае паўгоддзе 2019 года экспарт турыстычных паслугаў павялічыўся на 36% ў параўнанні са студзенем-чэрвенем 2018 году. Найбольшы рост далі гатэль “Спартыўны гарадок” і ТАК “Лосвіда”.

У другім квартале 2019 года найбольшы экспарт турыстычных паслугаў атрымаў гатэль “Спартыўны гарадок” 22,27 тысяч даляраў або  ў 2,28 разы больш, чым за адпаведны перыяд мінулага году. Гэта атрымалася дзякуючы мэтанакіраванай працы па правядзенню збораў і спаборніцтваў на спартыўных аб’ектах ВАЦАР. Так у другім квартале было прынята восемь каманд з Расіі, Украіны і Польшчы, як па воднаму пола, так і па плаванню і лыжах з агульнай колькасцю 149 чалавек. Усяго ў гатьэлі было прынята 919 чалавек,  з якіх 197 замежнікаў.

На другім месцы па экспарту турпаслугаў ТАК “Лосвіда”, дзе іх было аказана на 15,4 тыс. даляраў – прырост 79,1%. Тут ўсяго з пачатку года  тут адпачыла 711 чалавек і больш трэцці – 247 – замежнікі.

Блізка да мінулагодняга ўзроўня экспартных паслугаў падыйшлі Гарадоцкая “БАПР” – 5,2 тыс. дал. – 98%, ПУП “Паўазер’е” – 11,29 тыс. дал. – 94,7%. Пры гэтым Гарадоцкая “БАПР” прыняла 23 турыста з краін далёкага замежжа – Польшчы – 14, Чэхіі –3, Італіі, Бельгіі, Іспаніі – па два турыста ў межах бязвізавага наведвання Беларусі.

Значна менш мінулагодняга — 7,0 тыс. даляраў (61,9%) было аказанга экспартных паслугаў ЗАТ “Асотна” і толька было прынята 10 чалавек за паўгода.

За справаздачны перыяд ніякага экспарту паслугаў не было аказана Гарадоцкім дзяржаўным аграрна-тэхнічным каледжам: тут было прынята 349 чалавек і з іх бясплатна 46 замежнікаў.

Усяго экспарт турспаслугаў за першае паўгоддзе склаў па Гарадоцкаму раёну 61,16 тыс. даляраў або 44,8% ад гадавога задання і на нашых аб’ектах адпачыла 2174 госця, з якіх 539 прыехала з-за межаў Беларусі.

Леанід Гаравы

Год малой Радзімы ў лагеры “Арыён” – больш даведацца пра родны край

18 ліпеня ў лагеры “Арыён” быў прысвечаны годзе малой радзімы і праходзіў пад назвай “Гляджу ў азёры сінія ….”.

У гэты дзень арыёнаўцы прынялі ўдзел у конкурсе малюнкаў “Зямля пад белымі крыламі ….” і ў пазнавальнай гульні “Як мы ведаем сваю радзіму”. Таксама хлопцы наведалі кінатэатр у г.Гарадка.

Асабліва хлопцаў ўразіла экскурсія ў музеі баявой славы ДУА “Сярэдняя школа № 1 г.Гарадка”. Кіраўнік музея Сідарэнка Л.Ф. пазнаёміла арыёнаўцаў з гісторыяй Вялікай Айчыннай вайны, з ваярамі –героямі Гарадоччыны.

http://cdim.gorodok.edu.by

У сераду ў Гарадку адбудзецца свята “Жыві і квітней, мая Беларусь”

3 ліпеня ў Гарадку адбудуцца святочныя мерапрыемствы, прысвечаныя Дню Незалежнасці Рэспублікі Беларусі і 75 – годдзю Вызваленне ад нямецка-фашысцкіх захопнікаў: “Жыві і квітней, мая Беларусь”

 

З раніцы ў гарадоцкім скверы з 10:00 будуць працаваць інтэрактыўныя пляцоўкі пад назвай  «Гарадоччына партызанская»: «Рэтра – Гарадок», «Партызанская застава», «Палявая кухня», «Лясная школа”, “Сыходзілі ў паход партызаны», «Чырвоны куток», «Партызанскі медсанбат», «Пра вайну мы даведаліся з кніг”, “Аб чым маўчыць Шчалбоўскі лес».

У гэты ж час на цэнтральнай плошчы будзе разгорнута выстава прэзентацыя дасягненняў прадпрыемстваў, арганізацый і устаноў раёна  «75 гадоў пад мірным небам».

 

На вул. Пралетарская, 2 каля райвыканкаму з 10.30 да10.50 адбудзецца пабудова працоўных калектываў для патрыятычнага шэсця «Беларусь памятае!». Перад яго пачаткам у 10:55 адбудзецца ўскладанне гірлянды Славы да памятнага знака 12-ці воінскіх частак і злучэнняў, якія вызвалялі Гарадок

А ў 11 гадзін пачнецца патрыятычнае шэсце працоўных калектываў, арганізацый, прадпрыемстваў і ўстаноў раёна «Беларусь памятае!»

 

На цэнтральнай плошчы ў 11:10 пройдзе ўскладанне гірлянды Славы да вечнага агню на мемарыяльным комплексе «Няўміручасць».

Пасля гэтага пачнецца святочны канцэрт «Жыві і квітней, мая Беларусь», адбудзецца прэзентацыя Кнігі Славы Гарадоцкага раёна, ўшанаванне працоўных дынастый і  акцыя «Салют, Перамога!”

У дзіцячым парку з 13 гадзінаў для дзяцей наладжваецца фестываль фарбаў «Бел -Holi»

Вечарам на цэнтральнай плошчы з 20:00 адбудзецца раённы конкурс «АўтаЛэдзі», адкрыты творчы конкурс на арыгінальнае афармленне парасонаў «Парад парасонаў».

Пасля гэтага будзе выступ вакальна – інструментальнага ансамбля эстраднай песні «АртМастер» з Пскоўскай філармоніі, а потым выступленне ўдзельнікаў творчых калектываў ДУК «Гарадоцкі гарадскі Дом культуры»

Каля 23 гадзін адбудзецца акцыя «Праспяваем гімн разам» а пасля яе жыхары і госці Гарадка пабачаць святочны салют.

Л. Антонаў