Category Archives: Без рубрики

Аб’ект прыдарожнага сэрвісу ў Гарадоцкім раёне адрамантавалі за 556 тысяч долараў, а прадаюць за 50 еўра …

5 верасня на аўкцыён будзе зноў выстаўлены комплекс будынкаў былой паштовай станцыі ў вёсцы Кузьміно Гарадоцкага раёна. Пачатковы кошт гісторыка-культурнай каштоўнасці, пабудаванай ў 1848 годзе, складзе ўсяго 5 базавых велічынь.

Як паведамлялі «Народныя навіны Віцебска», на пачатку 2018 года станцыйны дом, флігель для фурманаў і карэтнага спрабавалі прадаць за 161 691 рублёў 9 копеек. У 2010 годзе РУП «Віцебскаўтадор» зрабіла рэканструкцыю: станцыйны дом быў пераабсталяваны ў кафэ з банкетнай залай на 16 месцаў і міні-барам, флігель – у матэль на 5 месцаў з адна- і двухмеснымі нумарамі, а карэтны дом стаў гаражом і складам. Гэтыя працы абышліся прадпрыемству больш чым у 565 000 даляраў.

Прыдарожны сэрвіс у гісторыка-культурнай каштоўнасці спрабавала арганізаваць само РУП «Віцебскаўтадор», а затым арандатары: спачатку Руслан Албабаеў, пасля яго – муж і жонка Анжаліка і Аляксандр Касцюкевічы. Гэтыя праекты не ўвянчаліся камерцыйным поспехам, і зараз «Віцебскаўтадор» спрабуе пазбавіцца ад кафэ.

Паштовую станцыю могуць набыць юрыдычныя асобы і індывідуальныя прадпрымальнікі, згодна з умовамі аўкцыёну яны павінны ажыццяўляць у будынку прадпрымальніцкую дзейнасць не менш за год і пачаць яе не пазьней як праз тры гады пасля заключэння дагавора куплі продажу.

Сяржук Серабро

https://news.vitebsk.cc

Прадстаўнікі Гарадоцкага Дома рамёстваў удзельнічалі ў Ягелонскім кірмашы ў Польшчы

З 17 па 19 жніўня ў польскім горадзе Любліне прайшоў традыцыйны кірмаш рамёстваў “Ягелонскі кірмаш”. Па сваёй ідэі ён паходзіць ад вядомых Люблінскіх кірмашоў, якія на рубяжы XV i XVI стагоддзяў былі аднымі з самых славутых міжнародных гандлёвых падзеяў. Ягелонскі кірмаш мае свае ўстояныя правілы і нормы. Абавязкова ў праграме фестывалю з’яўляюцца шэсце ў нацыянальнай вопратцы, якая пашыта рукамі майстрых. А таксама майстар-класы і выставы па ручной працы і рамяство. Па маштабу і колькасці Ягелонскі кірмаш на сённяшні дзень з’яўляецца самай буйному ў Польшчы.

Ягелонскі кірмаш — гэта мастацка-гандлёвае мерапрыемства, якое паводле сваёй формулы спалучае прэзентацыю рамесніцкіх і ручных традыцыйных вырабаў з Польшчы, Украіны, Беларусі і іншых краін з багатай мастацкай праграмай. Падчас кірмашу былі арганізаваны шматлікія выставы, майстар-класы, экскурсіі, канцэрты. Кожны год у Любліне збіраецца некалькі сотняў майстроў з суседніх усходніх краін Польшчы, каб паказаць сваю традыцыйную культуру, свае арыгінальныя і ўнікальныя вырабы ручной работы.
Тысячы турыстаў адмыслова рыхтуюць свае маршруты, каб патрапіць на святочны карнавал і прыкупіць сувеніраў, зробленая ў адзінкавых асобніках.

У беларускай дэлегацыі па традыцыі прымаюць удзел народныя майстры з Гарадоцкага Дома рамёстваў і фальклору. У гэтым годзе Гарадоччыну на Ягелонскім кірмашы прадстаўлялі Марына Гушча — гарадоцкае ткацтва і Людміла Гаравая – спіральнае пляценне. Наш Гарадоцкі раён быў мусіць адзіным раёнам ад якога было два прадстаўніка на знакамітым Ягелонскім кірмашы.


Л. Антонаў

Фота – Марына Гушча.

У нядзелю ў Гарадку прайшоў чарговы Фэст Фарбаў. Фота. Відэа

19 жніўня ў нядзелю ў Гарадку ў дзіцячым парку адбыўся чарговы Фэст Фарбаў, а таксама ўпершыню прадэманстравана магчымасць гульні ў бампербол.
Самым вясёлым месцам тыдня мусіць стаў Дзіцячы парк Гарадка, дзе група БэлХолі арганізавала Фэст Фарбаў. Асноўнае дзейства мерапрыемства адбывалася пад кіраўніцтвам Дыджэя. Дыджэй кіраваў юнымі аматарамі фарбаў, якія танчылі пад хуткую музыку і час ад часу абкідвалі суседзяў фарбамі рознага колеру.

Гэты адпачынак з фарбамі набыў сваіх прыхільнікаў у розных гарадах Беларусі. Так тыднем раней Фэст быў у Бешанковічах, а 1 верасня будзе ў Шуміліна. Ды й у Гарадку ён праходзіў ужо ў трэцці раз.

Гульні з фарбамі і дыскатэка не адзіная фішка мерапрыемства. Пад час фэста ў дзіцячым парку магчыма было набыць розныя цацкі, нанесці малюнак на твар у тэхніцы аква-грым, паскакаць на батуце.

Адной з фішак свята стала гульня ў бампербол. Па асноўных правілах гэтай гульні трэба ўтрымацца на нагах пры судакрананнях з сапернікам. І самы надзейны прыём для перамогі — адвярнуцца ад удара, бо тады сапернік каціцца на зямлю ў празрыстым шары.

Гэтае свята не стасуецца са сціплымі стандартамі савецкіх святаў, але відавочна прыйшлося да душы маладым жыхарам Гарадка. А каб быць актыўным удзельнікам Фэста трэба набыць пакунак фарбы за 5 рублёў і весяліся пад музыку ад Дыджэя…

Л. Антонаў