15 чэрвеня восем каманд ад школ раёна і аддзела па адукацыі прынялі ўдзел у турыстычным злёце ў маляўнічым месцы каля возера Арэхавае.

Спартыўная праграма турслёта складалася толькі з паласы перашкод, якая ўключала і вязанне вузлоў, і ківач, і праходжанне «балота», і ўстаноўку намёта і г.д. Першае месца заняла каманда СШ №2, другімі былі турысты Бычыхінскай СШ, а трэцція – аддзел па адукацыі.

Адначасова з паласой перашкод каманды спаборнічалі ў іншых конкурсах: краязнаўцаў, газет «Будні зьлёту», турыстычных навыкаў і побыту, кулінараў.

Завяршаў конкурсную праграму конкурс мастацкай самадзейнасці, які дазволіў камандам праявіць сваю творчасць і паказаць крэатыўнасць нумароў. Першае месца ў гэтым конкурсе падзялілі каманды Пальмінскай і Віраўлянскай школ, другімі былі ўдзельнікі турслёта з Мяжанскай СШ, а астатнія каманды сталі бронзавымі прызёрамі.

Па выніках конкурсных праграм першае месца атрымала каманда Бычыхінскай СШ, якую ўзначальваў дырэктар школы Шэнец В.М., другое месца – Пальмінскай СШ, трэцяе – СШ №1 г. Гарадка.

І ў выніку ўсіх спаборніцтваў пераможцам турслёта прызнана каманда Бычыхінскай СШ, другое месца – СШ№2, трэцяе – СШ №1.

А галоўным прызам зьлёту стаў зарад пазітыву і зносін з прыродай пасля навучальнага года.

Л. Антонаў, фота аўтара

ДПУ “Карыцінскі Мох” ажыццяўляе экскурсіі па экалагічнай сцяжынцы ў самы спрыяльны перыяд: вясенне-летняга цвіцення раслін. Гэтым разам аматары прыроды накіраваліся назіраць цуд экалагічнай сцяжынкі – лінею паўночную.

Мясцовыя эколагі абсталявалі ў  заказніку “Карыценскі Мох” экалагічную сцяжынку каля якой магчыма назіраць прыроду паўночнай Віцебшчыны ва ўсёй яе прыгажосці і разнастайнасці.

Пачатак экскурсіі пачынаецца  праз трыста метраў ад в. Смалоўкі, калі рухацца па дарозе ў бок в. Евіна. Стэнды на пачатку сцяжынкі распавядаюць пра асаблівыя ахоўваемыя прыродныя тэрыторыі Гарадоччыны, а вядучы спецыяліст ДПУ “Карыцінскі Мох”, біёлаг па адукацыі, Таццяна Гаравая распавядае пра раслінны і жывёльны свет заказніка, які размешчаны ў верхавым балоце.

Рух у накірунку плантацыі лінеі паўночнай дарыць знаёмства з рэдкімі раслінамі заказніка: лішайнікамі уснеяй і кладоніяй, грушанкай і іншымі раслінамі.

Плантацыя чырвонакніжнай расліны  — лінеі паўночнай дае сябе адчуць яшчэ за некалькі дзесяткаў метраў непаўторным ванільна-мігдальным водарам, які стаіць каля экалагічнай сцяжынкі. Першая плантацыя лінеі займае плошчу ў некалькі дзесяткаў квадратных метраў. Сама расліна названа ў гонар швецкага батаніка  XVIIІ стагоддзя  Карла Лінея, які рабіў класіфікацыю раслін і яна стала галоўным элементам яго дваранскага герба.  А ў Швецыі уваходзіць у гербы правінцыі і гарадоў.

Пасля назірання лінеі паўночнай экскурсанты могуць бачыць і іншыя рэдкія расліны. Вандроўка па экалагічнай сцяжынцы пачыналася ў хваёвым лесе, потым ідзе па балоту,  а завяршаецца на насціле ў балоце  вакол якога месціцца плантацыя журавін.

Журавіны на пачатку лета завяршаюць сваё цвіценне, як завяршае цвіценне і багульнік. Дарэчы і водар багульніка  непаўторны і спецыфічны.

Каля насціла атрымалася выявіць яшчэ адну найцікавейшую расліну – расіцу, якая палюе на насякомых.

Завяршаецца экскурсія ў сасновым боры, дзе вялікія сосны імкнуцца ў неба і насычаюць паветра фітанцыдамі.

Напрыканцы экскурсіі магчыма  пабываць у альтанцы і падзяліцца сваімі ўражаннямі ад роднай прыроды.

Л. Антонаў, фота аўтара

dont translate

7-8 чэрвеня 2018 года на беразе возера Лосвіда прайшоў традыцыйны турыстычны злёт навучэнцаў 1 -3 курсаў Гарадоцкага аграрна-тэхнічнага каледжа.

Праграма турыстычнага злёту ўключала самыя разнастайныя конкурсы і спаборніцтвы. Сярод іх – паласа перашкод, якая складалася з сямі зыходных пунктаў, такіх як ўстаноўка палаткі, купіны, пастка, бег па дыстанцыі ў процівагазах, стральба па мішэні, уменне аказаць першую медыцынскую дапамогу і транспарціроўку ўмоўна пацярпелага, конкурс на лепшую турыстычную газету, конкурс на лепшы турыстычны абед, конкурс на лепшае афармленне лагера.

«Такія турыстычныя злёты вучаць арганізоўваць самім свой побыт і жыццё, дапамагаюць дзецям адаптавацца да жыцця, хай нават у такіх не зусім звыклых умовах», – такую думку выказаў дырэктар каледжа Уладзімір Уладзіміравіч Шыцько

У турыстычным злёце ўдзельнічала 19 каманд ГГАТК, таксама госці з УА Віцебская дзяржаўная акадэмія ветэрынарнай медыцыны і турысты з Малнаўскага каледжа з Латвіі. Хлопцы за гэтыя 2 дні атрымалі процьму станоўчых эмоцый, выдатна правялі час, набылі новы вопыт, які ім абавязкова спатрэбіцца ў жыцці і дапаможа ў наступны раз дамагчыся лепшых вынікаў!

Прызавыя месцы ў агульным камандным заліку размеркаваліся наступным чынам:

1 месца-каманда вучэбнай групы 1то3 (куратар Паўлючэнкава Т.В), 2 месца-каманда вучэбнай групы 2тоА (куратар Гуль І.І.), 3 месца – каманда вучэбнай групы 1то2 (куратар Іваноў С.Г.).

Пасля цырымоніі ўзнагароджання і фотасесіі стамдёныя, але задаволеныя і шчаслівыя навучэнцы раз’язджаліся па дамах,

Турыстычны злёт – 2018 пакінуў у памяці мноства вясёлых момантаў, незабыўных уражанняў.

Вялікі дзякуй усім удзельнікам турыстычнага слета- 2018 !!!

Аўтар: Алёна Марачова. Фота і тэкст з сайта: http://www.ggatk.by

Пераклад на беларускую мову рэдакцыі сайта.

Гарадоцкі Дом рамёстваў і фальклору з’яўляецца ўзорнай арганізацыяй у Беларусі па захаванню і развіццю нацыянальнай спадчыны і быў ўдастоены ў 2007 годзе спецыяльнай прэміі Прэзідэнта Рэспублікі Беларусь “За духоўнае адраджэнне».
Дом рамёстваў і фальклору фактычна быў створаны на базе Народнага клуба майстроў і самадзейных мастакоў “Вытокі”, які пачаў дзейнічаць з 1985 года пры Гарадоцкім раённым краязнаўчым музеі, а ў 1992 годзе ўвайшоў у Дом рамёстваў і фальклору.

Клуб з’яўляецца добраахвотным аб’яднаннем той катэгорыі творчых асоб – носьбітаў этнічных традыцый, якія з’яўляюцца пераемнікамі і прадаўжальнікамі традыцый і мастацкага здабытку беларускай нацыянальнай культуры. Калектыў мае статус абласнога базавага калектыву па аказанню метадычна-кансультацыйнай дапамогі па традыцыйных рамёствах і народнаму выяўленчаму мастацтву. Заняткі, выступленні, кансультацыі з мэтай папулярызацыі народнага мастацтва праводзяцца як для работнікаў культуры іншых раёнаў, спецыялістаў адукацыі, так і для жыхароў раёна. Актыўна вядзецца прапаганда беларускай нацыянальнай культуры праз арганізацыю лекцый, семінараў, майстар-класаў і экскурсій па Дому рамёстваў і фальклору.

Сёння пры  Доме рамёстваў працуюць 12 гурткоў: «Ткацтва» (кіраўнік Гушча М.Л.), «Вышыўка» і «Інсітнае мастацтва” (кіраўнік Місьнікава Т.В.), «Саломапляценне” і “Народны касцюм” (кіраўнік Рэут В.Л .), «Лазапляценне» і «Інсітнае мастацтва” (кіраўнік Сіманковіч У.П.), «Ганчарства» і «Сувенірная лялька” (кіраўнік Шалаева І. Н.), «Разьба па дрэве” (кіраўнік Каратаеў І.Г.) і іншыя. Маецца тры майстэрні народнай творчасці: «Ганчарства» (філіял у аграгарадку Верамеяўка), «Лапікавая шыццё» і «Вышыванка»(філіял у аграгарадку Пальмінка), адкрыты салон-крама мастацкіх вырабаў« Ля Парнаса »,  аматарскае аб’яднанне« Зялёная альтанка », клуб народнай кухні” Талакняначка», лялечны тэатр батлейка.

Майстры Сіманковіч В.П., Гаравая Л.Г., Гушча М.Л., Місьнікава Т.В., Рэут В.Л., Шалаева І.М. з’яўляюцца членамі Беларускага Саюза майстроў народнай творчасці. Яны перадаюць свае навыкі гарадакчанам і жыхарам раёна ў гуртках Дома рамёстваў.

Рашэннем Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь падтрымана ініцыятыва аб наданні статусу нематэрыяльнай гісторыка-культурнай каштоўнасці Рэспублікі Беларусь элементу нематэрыяльнай культуры «Традыцыя ажурнага ткацтва Гарадоцкага раёну Віцебскай вобласці».

Дом рамёстваў і фальклору працягвае працу на развіццю беларускай культуры і яго клуб “Вытокі” аб’ядноўвае 50 майстроў, 7 майстроў клуба  з’яўляюцца членамі Беларускага саюза майстроў народнай творчасці, майстар па ткацтву паясоў Каралько Н.М. мае ганаровае званне “Народны майстар Рэспублікі Беларусь”.

З 2014 года Дом рамёстваў знаходзіцца ў рэканструіраваным сучасным будынку, дзе размяшчаюцца яго майстэрні, ладзіцца гандаль сувенірнай прадукцыяй, а таксама арганізуе выставы сваіх майстроў у выставачнай зале культурна-асветніцкага цэнтра “Гарадок” на цэнтральнай плошчы райцэнтра.

Дом рамёстваў і фальклору цікавы аматарам народнай спадчыны працамі сваіх майстроў і майстар-класамі, якія праводзяць яго майстры на розных святах і канферэнцыях.

Адрас: Гарадок, Віцебскай вобласці вул. Валадарскага, 1,
Кантактныя тэлефоны: +375213941255

Л. Антонаў

У рамках Х раённага свята народнай творчасці, беларускай паэзіі і фальклору «Гарадоцкі Парнас» адбылося падвядзенне вынікаў акцыі-конкурсу «упрыгожыць горад разам», прысвечанага Году малой радзімы.

2 месца – КУВП «Гарадоцкае прадпрыемства кацельных і цеплавых сетак» (праца «Мядзведзеня»).

Напрыканцы мінулага месяца удзельнікі экалагічнага гуртка “Цэнтра дзяцей і моладзі” пад кіраўніцтвам Ядзвігі Каўкенавай наведалі рэспубліканскі заказнік “Карыценскі мох”, каб прайсціся па экалагічнай сцяжынцы і пазнаёміцца з прыродай заказніка.

Экалагічны маршрут па заказніку абсталяваны дзяржаўнай прыродаахоўчай установай “Карыцінскі мох”. Вядучы спецыяліст установы Таццяна Гаравая  суправаджала маладых эколагаў і распавядала пра заказнікі Гарадоччыны, яе асаблівыя ахоўваемыя прыродныя тэрыторыі, экалагічныя правілы паводзін у прыродзе і пра верхавыя балота, звяртаючыся да матэрыялаў стэнда, які усталяваны на пачатку маршрута.

Маршрут юных эколагаў праходзіў па адметнай прыроднай тэрыторыі Гарадоччыны і яны мелі магчымасці  даведацца пра рэдкія расліны: лішайнік уснею, лінею паўночную, арніку горную і іншыя расліны.

Спецыяльны стэнд у заказніку усталяваны каля аднаго з мурашнікаў і вучні пазнаёміліся з яго будовай і жыццём мурашак.

Асабліва цікава вучням было назіраць пад час экскурсіі  рэальныя сляды лісіцы, мядзведзя, лася, якія паказаў дырэктар установы “Карыцінскі мох” Сяргей Юшкоў.

На сцяжынцы ў заказніку вучні назіралі і яшчарку – вераценніцу ломкую.

Напрыканцы экскурсіі юныя эколагі  разам з Ядзвігай Чэславаўнай выйшлі па насцілу ў само балота і назіралі цвіценне журавін, пушыцы і багульніка.

Вясна і пачатак лета адно з самых спрыяльных перыядаў года, калі варта наведаць экалагічную сцяжынку заказніка “Карыценскі мох”, а спецыялісты гэтай установы гатовы вам дапамагчы ў правядзенні экскурсіі. Жадаючы аматары прыроды могуць тэлефанаваць ва ўстанову і замаўляць экскурсію: +375213950859.

Л. Антонаў

1 чэрвеня напярэдадні юбілейнага, Х раённага свята народнай творчасцi, беларускай паэзii i фальклору “Гарадоцкi Парнас-2018” у Гарадоцкім краязнаўчым музеі  адбылася раённая навукова-практычная канферэнцыя “Паэма “Тарас на Парнасе: здабыткі і праблемы”.

З прывітальным словам да сабраўшыхся звярнулася начальнік аддзела ідэалагічнай працы, культуры і па справах моладзі Гарадокскага райвыканкама В.У. Каўрыга. Яна адзначыла, што знакамітая паэма з’яўляецца не толькі шэдэўрам беларускай паэзіі, але і своеасаблівай візітнай карткай нашай роднай гарадоччыны і нават ўсёй Беларусі.

Пра гісторыя пошукаў аўтара паэмы “Тарас на Парнасе” распавяла Буракова Н, В., старшы навуковы   супрацоўнік Гарадоцкага раённага краязнаўчага музея. Аб дыялектных асаблівасцях гаворак Гарадоччыны ў кантэксце славутай паэмы была прамова   Печаніцынай Л. У., у мінулым выкладчык кафедры беларускага мовазнаўства ВДУ. Краязнаўца Леанід Гаравы распавёў пра “хроснага” бацьку К. Вераніцына Генадзя Кісялёва і яго літаратурную спадчыну ХХІ стагоддзя і праблемы аўтарства паэмы. Наталля Саветная, член Саюза  пісьменнікаў Беларусі, Расіі і саюзнай дзяржавы, распавяла аб асаблівасцях вобраза Тараса, як цвярозага чалавека і антыалкагольны рух у Расійскай імперыі часоў стварэння паэм “Тарас на Парнасе” і “Двух д’яблаў”, якія напісаў Канстанцін Вераніцын.

Васіль Лазоўскі, у мінулым выкладчык Гарадоцкага тэхнікума механізацыі сельскай  гаспадаркі прачытаў свій сучасны варыянт паэмы “Сказ , як пра…, пра…, праўнук Тараса, Тарас, трапіў на новы Парнас у наш час.”

Падчас канферэнцыі гучалі вершы і дэманстраваліся відэаролікі, звязаныя з творчасцю К. Вераніцына, якія падрыхтавалі супрацоўнікі музея, шматлікія госці (нават з Расіі) і вучні школ Гарадоцкага раёна. Так пра паэму К. Вераніцына “Тарас на Парнасе” у свеце сучаснага ўспрымання чытачом распавёў  Кірыл Падмазаў Кірыл, вучань Езярышчанскай СШ, Арына Рэзкіна вучаніца СШ №1 паведаміла пра фальклорны старажытны танец Гарадоцкага раёна “Мяцеліца” і г.д.

Прамоўцы навукова-практычнай канферэнцыі “Паэма “Тарас на Парнасе: здабыткі і праблемы” ў музейнай залі.

Напрыканцы канферэнцыі былі прыняты рэкамендацыі па далейшай дзейнасці па папулярызацыі паэмы і яе аўтара на Гарадоцкай зямлі, а таксама выказаліся прапановы па шанаванню памяці Анатоля Дарафеява арганізатара  чытанняў у  Гарадку і мемарыяльных знакаў на Гарадоцкай зямлі – ў в. Астраўляны і каля краязнаўчага музея. Відавочна, што тарасазнаўства будзе развівацца калі  будуць усталяваны сувязі з сямейнікамі Г.В. Кісялёва, а таксама з яго вучнямі, якія працягваюць справу тарасазнаўства.

Л. Антонаў