3 ліпеня ў Гарадку адбудзецца свята «Жывi i Квiтней, мая Беларусь», прысвечанае  Дню незалежнасці Рэспублікі Беларусь з 10 гадзін раніцы да 23 гадзін вечара.
Свята пачнецца на цэнтральнай плошчы ў 10 гадзін раніцы з радыёгазеты «Беларусь – краіна мая» і прэзентацыяй прадпрыемстваў і арганізацый Гарадоцкага раёна пад дэвізам «Гонар i слава Гарадоччыны». Адначасова з гэтым будзе праходзіць раённы конкурс спіральнага пляцення «Саламяны сусвету» і праводзіцца Азбука нацыянальнага арнаменту, прысвечаная Дню вышыванкі.
З 11-й гадзіны пачнецца ўрачыстая частка праграмы «Славiм iмя тваё, Беларусь» з ускладання Гірлянды Славы да Агню Памяці, канцертнай праграмы «Радзіма мая дарагая», акцыі “Хай збываюцца Светлыя мары», велакарнавала «Лета руліць» і шоў мыльных бурбалак.
У гарадскім скверы каля помніка «Тарасу на Парнасе» можна будзе наведаць фотасушку – выставу лепшых фатаграфій пейзажу Гарадоччыны, «Кніжны бульвар» з удзелам у акцыях, гульнях, квэст-віктарынах і г.д . Гарадоцкая птушкафабрыка прадставіць сваю праграму «Рэтра-Гарадок » і « Партызанскую заставу » Стадалішчанскага сельсавета.
Яшчэ ў Дзіцячым парку з 15-й гадзіне адбудзецца фестываль фарбаў «Бел-Holi».

Не менш цікавая праграма чакае жыхароў і гасцей Гарадка на цэнтральнай плошчы пасля 20-й гадзіны. Гэта конкурсы «АўтаЛэдзі», «ЭкаМода», танцавальны флэш-моб, а таксама канцэртная праграма творчых калектываў і выканаўцаў г. Гарадка. У канцэрце плануецца ўдзел ансамбля “Ліра” з г. Невеля і В. Цехановской з г. Масквы. Наведвальнікаў свята чакаюць і інтэрактыўныя пляцоўкі па аквагрыму, бодзі-арту і іншыя.
Завершыцца святочны дзень акцыяй «Спяваем гiмн разам» ў 22.55 і святочным салютам у 23.00.
Л. Антонаў
Паводле інфармацыі: https://vk.com/public165111063

Open-air пройдзе з 30 чэрвеня па 2 ліпеня на пляжы горада Браслаў.
Мэта фестывалю – сабраць у адным месцы лепшых прадстаўнікоў аўтарскай рок-музыкі нашай краіны.
За тры фестывальныя дні вы пачуеце больш за 20 гуртоў, выканаўцаў ўласнай песні. «Магутны фэст» гэта не толькі тры дні жывой музыкі, але і сонца, пляж, мегабургеры, вейкбоардзiнг, катанне на маторных лодках і мноства цікавых забаў.
На гэты раз арганізатары прыдумалі яшчэ больш забаўляльных пляцовак, конкурсаў і інтэрактыву, каб гледачы не сумавалі да пачатку канцэртнай праграмы.

Што тычыцца пражывання, то выбар тут ёсць, і не маленькі: гасцініцы, катэджы і турбаза з намётавым мястэчкам і асобнымі хаткамі для пражывання ў пешай даступнасці ад сцэны. А размясціць палаткі каля сцэны на пляжы можна будзе цалкам бясплатна!
Кошт квітка: 16 руб. У дзень фестывалю на месцы – 20 руб.

За тры дні можна будзе пачуць наступныя групы: Пятля Прыхільнасці, Дзядзька Ваня, Tornado, Aillion, Yann Zhanchak, Electric Poets, NewleveL, The Feedback, Бронепаровоз, Каса, Хлястоў-Off і многія іншыя. Усе тры фестывальныя дні канцэртная праграма будзе пачынацца а 16:00, а заканчвацца позняй ноччу!

Крыніца: http://www.tio.by

VETLIVA –  это мощный гид по Беларуси, где в одном месте собраны все достопримечательности страны, экскурсии, санатории, гостиницы и агроусадьбы. Забронировать место или заказать путевку можно прямо с сайта. Обновляется на русском, беларусском и английском. Советуем от души!

15 чэрвеня восем каманд ад школ раёна і аддзела па адукацыі прынялі ўдзел у турыстычным злёце ў маляўнічым месцы каля возера Арэхавае.

Спартыўная праграма турслёта складалася толькі з паласы перашкод, якая ўключала і вязанне вузлоў, і ківач, і праходжанне «балота», і ўстаноўку намёта і г.д. Першае месца заняла каманда СШ №2, другімі былі турысты Бычыхінскай СШ, а трэцція – аддзел па адукацыі.

Адначасова з паласой перашкод каманды спаборнічалі ў іншых конкурсах: краязнаўцаў, газет «Будні зьлёту», турыстычных навыкаў і побыту, кулінараў.

Завяршаў конкурсную праграму конкурс мастацкай самадзейнасці, які дазволіў камандам праявіць сваю творчасць і паказаць крэатыўнасць нумароў. Першае месца ў гэтым конкурсе падзялілі каманды Пальмінскай і Віраўлянскай школ, другімі былі ўдзельнікі турслёта з Мяжанскай СШ, а астатнія каманды сталі бронзавымі прызёрамі.

Па выніках конкурсных праграм першае месца атрымала каманда Бычыхінскай СШ, якую ўзначальваў дырэктар школы Шэнец В.М., другое месца – Пальмінскай СШ, трэцяе – СШ №1 г. Гарадка.

І ў выніку ўсіх спаборніцтваў пераможцам турслёта прызнана каманда Бычыхінскай СШ, другое месца – СШ№2, трэцяе – СШ №1.

А галоўным прызам зьлёту стаў зарад пазітыву і зносін з прыродай пасля навучальнага года.

Л. Антонаў, фота аўтара

ДПУ “Карыцінскі Мох” ажыццяўляе экскурсіі па экалагічнай сцяжынцы ў самы спрыяльны перыяд: вясенне-летняга цвіцення раслін. Гэтым разам аматары прыроды накіраваліся назіраць цуд экалагічнай сцяжынкі – лінею паўночную.

Мясцовыя эколагі абсталявалі ў  заказніку “Карыценскі Мох” экалагічную сцяжынку каля якой магчыма назіраць прыроду паўночнай Віцебшчыны ва ўсёй яе прыгажосці і разнастайнасці.

Пачатак экскурсіі пачынаецца  праз трыста метраў ад в. Смалоўкі, калі рухацца па дарозе ў бок в. Евіна. Стэнды на пачатку сцяжынкі распавядаюць пра асаблівыя ахоўваемыя прыродныя тэрыторыі Гарадоччыны, а вядучы спецыяліст ДПУ “Карыцінскі Мох”, біёлаг па адукацыі, Таццяна Гаравая распавядае пра раслінны і жывёльны свет заказніка, які размешчаны ў верхавым балоце.

Рух у накірунку плантацыі лінеі паўночнай дарыць знаёмства з рэдкімі раслінамі заказніка: лішайнікамі уснеяй і кладоніяй, грушанкай і іншымі раслінамі.

Плантацыя чырвонакніжнай расліны  — лінеі паўночнай дае сябе адчуць яшчэ за некалькі дзесяткаў метраў непаўторным ванільна-мігдальным водарам, які стаіць каля экалагічнай сцяжынкі. Першая плантацыя лінеі займае плошчу ў некалькі дзесяткаў квадратных метраў. Сама расліна названа ў гонар швецкага батаніка  XVIIІ стагоддзя  Карла Лінея, які рабіў класіфікацыю раслін і яна стала галоўным элементам яго дваранскага герба.  А ў Швецыі уваходзіць у гербы правінцыі і гарадоў.

Пасля назірання лінеі паўночнай экскурсанты могуць бачыць і іншыя рэдкія расліны. Вандроўка па экалагічнай сцяжынцы пачыналася ў хваёвым лесе, потым ідзе па балоту,  а завяршаецца на насціле ў балоце  вакол якога месціцца плантацыя журавін.

Журавіны на пачатку лета завяршаюць сваё цвіценне, як завяршае цвіценне і багульнік. Дарэчы і водар багульніка  непаўторны і спецыфічны.

Каля насціла атрымалася выявіць яшчэ адну найцікавейшую расліну – расіцу, якая палюе на насякомых.

Завяршаецца экскурсія ў сасновым боры, дзе вялікія сосны імкнуцца ў неба і насычаюць паветра фітанцыдамі.

Напрыканцы экскурсіі магчыма  пабываць у альтанцы і падзяліцца сваімі ўражаннямі ад роднай прыроды.

Л. Антонаў, фота аўтара

dont translate

7-8 чэрвеня 2018 года на беразе возера Лосвіда прайшоў традыцыйны турыстычны злёт навучэнцаў 1 -3 курсаў Гарадоцкага аграрна-тэхнічнага каледжа.

Праграма турыстычнага злёту ўключала самыя разнастайныя конкурсы і спаборніцтвы. Сярод іх – паласа перашкод, якая складалася з сямі зыходных пунктаў, такіх як ўстаноўка палаткі, купіны, пастка, бег па дыстанцыі ў процівагазах, стральба па мішэні, уменне аказаць першую медыцынскую дапамогу і транспарціроўку ўмоўна пацярпелага, конкурс на лепшую турыстычную газету, конкурс на лепшы турыстычны абед, конкурс на лепшае афармленне лагера.

«Такія турыстычныя злёты вучаць арганізоўваць самім свой побыт і жыццё, дапамагаюць дзецям адаптавацца да жыцця, хай нават у такіх не зусім звыклых умовах», – такую думку выказаў дырэктар каледжа Уладзімір Уладзіміравіч Шыцько

У турыстычным злёце ўдзельнічала 19 каманд ГГАТК, таксама госці з УА Віцебская дзяржаўная акадэмія ветэрынарнай медыцыны і турысты з Малнаўскага каледжа з Латвіі. Хлопцы за гэтыя 2 дні атрымалі процьму станоўчых эмоцый, выдатна правялі час, набылі новы вопыт, які ім абавязкова спатрэбіцца ў жыцці і дапаможа ў наступны раз дамагчыся лепшых вынікаў!

Прызавыя месцы ў агульным камандным заліку размеркаваліся наступным чынам:

1 месца-каманда вучэбнай групы 1то3 (куратар Паўлючэнкава Т.В), 2 месца-каманда вучэбнай групы 2тоА (куратар Гуль І.І.), 3 месца – каманда вучэбнай групы 1то2 (куратар Іваноў С.Г.).

Пасля цырымоніі ўзнагароджання і фотасесіі стамдёныя, але задаволеныя і шчаслівыя навучэнцы раз’язджаліся па дамах,

Турыстычны злёт – 2018 пакінуў у памяці мноства вясёлых момантаў, незабыўных уражанняў.

Вялікі дзякуй усім удзельнікам турыстычнага слета- 2018 !!!

Аўтар: Алёна Марачова. Фота і тэкст з сайта: http://www.ggatk.by

Пераклад на беларускую мову рэдакцыі сайта.